"...

Ndërsa zyrtari tjetër, i cili aktualisht ndodhet në Liban,​ tha se ai mendonte se lufta ishte e pashmangshme dhe afër dhe se ai priste që konflikti të shkaktohej nga një sulm izraelit për të pushtuar xhaminë Al-Aksa. Ai po ashtu u shpreh se nëse do të shpërthente lufta, ajo nuk mund të ndalohej me ndërmjetësime të ndryshme, si në konfliktet e mëparshme, dhe shtoi se: “Zgjatja e luftës do të jetë pjesë e një strategjie gjithëpërfshirëse dhe ne jemi të përgatitur për të gjitha mundësitë!”.

Sipas të të njëjtit burim, me ndihmën e operacioneve të rezistencës në Bregun Perëndimor dhe mbështetjen e policisë kufitare jordaneze dhe patriotëve në ushtrinë e saj, do të rritet edhe kontrabanda e armëve përmes kufirit jordanez prej 600 km. Armët e reja të avancuara nga vende dhe burime të ndryshme, përfshirë raketat antitank Kornet, në javët dhe muajt e ardhshëm, pritet të bien në duart e kryengritësve në Bregun Perëndimor.

Këto transferime armësh, financimi i qelizave të rezistencës në Bregun Perëndimor dhe mbështetja e dhënë për familjet e luftëtarëve të rënë dëshmorë, sigurohen nga një qendër operacionale në Rripin e Gazës. Për shkak se izraelitët e dinë këtë, ata vazhdimisht kërcënojnë se do të sulmojnë Rripin e Gazës, pavarësisht nga qetësia aktuale..."