Njoftimi që është bërë në një intervistë të fundit me Sekretarin e Përgjithshëm të Hezbollahut, Sayyid Hasan Nasrallah për TV al-Mayadeen, ku thuhet se Gjenerali Kasim Sylejmani, i cili nga Udhëheqësi i Hamasit, Ismail Heniye, u cilësua si "Dëshmorë i Jeruzalemit", është personi që qëndron prapa futjes së raketave Ruse Kornet në Rripin e Gazës dhe se këto raketa i ka paguar nga xhepi i tij, pavarësisht mundësisë së prishjes së marrëdhënieve të qeverisë siriane me Rusinë dhe se nuk janë penguar që të futen në Gaza, duhej të bëhej së pari nga grupet e rezistencës palestineze.

Këto raketa Kornet që erdhën në Gaza nga depot e Hezbollahut në Libanin e Jugut dhe turpëruan krenarinë Izraelit në atë kohë, tankat Merkava, si dhe teknologjia e raketave dhe dronëve me burim iranian pengoi që forcat e ushtrisë okupuese të kalonin Rripin e Gazës si dhe bllokoi jetën në Izrael, duke futur miliona izraelitë në strehimet e tyre.

Në këtë mënyrë, lufta e fundit e ushtrisë izraelite kundër Rripit të Gazës zgjat vetëm disa ditë dhe Benjamin Netanyahu gjithmonë nxiton drejt Kajros për të kërkuar një armëpushim për shkak të këtyre raketave që gjithnjë e më shumë po godasin objektivat e tyre me një saktësi më të lartë.

Shumica e qeverive arabe bashkëpunojnë me fuqinë pushtuese në rrethimin e Rripit të Gazës dhe urinë e popullit të saj dhe, për më tepër, ata kryejnë fushata të dhunshme dixhitale për të shpifur imazhin e popullit Palestinez dhe historinë e tyre të luftës.