Ministri i Jashtëm sirian Walid Moallem tha se në disa pjesë të Sirisë, nuk do të mund të pranohen strukturat e pavarura apo ato federale.

Sipas një raporti të agjencisë së lajmeve Tasnim, ministri i Jashtëm sirian Walid Muallem, i cili u takua me akademikë dhe studentë nga Universiteti i Damaskut, tha se do të hiqet bllokada e zbatuar ndaj Sirisë.

Duke iu referuar vizitës së papritur në Damask të presidentit Sudan Omar al Bashir, i cili me ushtrinë e tij mbështeti luftën e Sauditëve kundër Jemenit, Walid Muallem u shpreh kështu: “Ardhja e Presidentit të Sudanit në Damask ishte një hap tjetër drejt heqjes së bllokadës së imponuar në Siri. Kjo bllokad që u realizua në përputhje me politikat amerikane, ishte në fakt një plan izraelit dhe qëllimi i tij ishte të godiste Sirinë dhe të dobësonte rolin e Sirisë në nivel rajonal.”

Duke iu referuar pranisë së paligjshme të Amerikës në pjesën verilindore të Sirisë, Muallem u shpreh: “Askush në Siri nuk pranon struktura të pavarura ose federale. Nuk ka alternativë tjeter pos kthyerjes në atdhe. Atdheu ka hapur krahët për të gjithë bijtë e tij dhe qeveria siriane është e vendosur të arrijë sovranitetin në të gjithë territorin e Republikës Arabe të Sirisë.”

Ministri i Jashtëm sirian Walid Muallem theksoi se çlirimi i Idlibit nga pushtimi i terroristëve është prioritet i qeverisë siriane.

Muallem, i cili foli për takimin e përbashkët të komisionit ekonomik Siri - Rusi të mbajtur javën e kaluar, vuri në dukje se takimi ishte shumë i rëndësishëm dhe se marrëdhëniet ushtarake dhe politike midis Rusisë dhe Sirisë ishin të larmishme me marrëdhëniet ekonomike, sociale dhe kulturore.

Ministri i jashtëm Walid Muallem vazhdoi kështu:

“Vendet që luftojnë dhe komplotojnë kundër Sirisë paguajnë çmimin e politikave të tyre.

Këto vende përballen me probleme të tilla si rritja e papunësisë, inflacioni, polarizimi social dhe politik. Vendet që vendosin një kurth për Sirinë, mbështesin terrorizmin dhe ndërmarrin hapa të njëanshëm, sot paguajnë çmimin e këtyre politikave. Asnjë nga komplotistët kundër SHBA-së nën udhëheqjen e Shteteve të Bashkuara nuk do të shohë një fytyrë të rehatshme vitin e ardhshëm. Megjithatë, situata në Siri po përmirësohet çdo ditë. Viti 2019 do të jetë një vit shumë më i mirë për Sirinë.”