Dar ul Ifta e Egjiptit thekson: Nevojën e rritjes së bashkëpunimit kundër terrorizmit
Dar ul Ifta e Egjiptit dënoi sulmin e fundit terrorist në Kenia duke paralajmëruar kundër zgjerimit të tekfirizmit
Qendra e Studimit për Fetva të Tekfirizmit dhe ideologjitë ekstremiste në Dar ul Ifta në Egjipt ka dënuar sulmin e fundit terrorist nga militantët e Al Shebaab në Kenia për sulmin në disa ndërtesa rezidenciale dhe rreshtimin e civilëve, njoftoi Agjencia e Lajmeve Taqrib News Agency (TNA).
Dar ul Ifta theksoi, "Sulmet terroriste nga lëvizjet që pretendojnë të jenë Islamike nuk kanë lidhje me fenë e shenjtë Islame, pasi Sheriati Islamik ndalon masakërat, shkatërrimet."
Dar ul Ifta gjithashtu theksoi domosdoshmërinë e bashkëpunimit global për t'u ballafaquar me organizatat terroriste anembanë botës dhe gjithashtu për të vendosur për një strategji të caktuar për t'u ballafaquar me terrorizmin ndërkombëtar si dhe çrrënjosjen e mbështetjeve ideologjike, financiare dhe shpirtërore për lëvizjen.
Grupi militant i dyshuar somalez islamik, Al-Shabaab, i preu kokat tre vetëve dhe dogji disa shtëpi në sulmet e fundit gjatë natës në zonën bregdetare të Kenisë në Lamu.
Disa zona në Kenian verilindore që kufizohen me Somalinë kanë qenë objekt i terroristëve të Al-Shabaab që kanë vrarë qytetarë të pafajshëm që kur ushtarët kenianë hynë në Somali në vitin 2011 për të siguruar kufirin e përbashkët të të dy vendeve.
Burimi : Taqrib News Agency (TNA)