Numri i incidenteve anti-muslimane në Shtetet e Bashkuara pati një rritje dramatike vitin e kaluar, sipas një grupi të shquar të avokimit musliman .

Këshilli për Marrëdhëniet Amerikano-Islamike tha në një raport të publikuar të martën se numri i incidenteve të tilla u rrit 57 për qind në vitin 2016.

Një total prej 2,213 incidentesh anti-muslimane u regjistruan në të gjithë vendin, nga 1,409 në vitin 2015. Ka pasur gjithashtu një rritje prej 44 përqind të krimeve të urrejtjes në të njëjtën periudhë. Incidentet janë rritur 5 për qind në vitin 2015, një vit më parë.

Këtu janë përfshirë një gamë e gjerë e incidenteve të paragjykuara në  raste të përsëritura të sulmeve, zjarrvënjeve të xhamive, sulme në rrugë dhe diskriminime në punësim.

Këshilli gjithashtu njoftoi një rritje në kontaktet e pajustifikuara kundër muslimanëve nga Byroja Federale e Hetimeve (FBI).

Ndërsa Këshilli për Marrëdhëniet Amerikano-Islamike (CAIR) kishte raportuar një rritje në incidentet anti-muslimane përpara rritjes mahnitëse të Donald Trump në zgjedhjet presidenciale të vitit të kaluar, ajo tha se përshpejtimi ishte pjesërisht për shkak të retorikës së Trump-it ndaj muslimanëve dhe emigrantëve.