Kryetari i Kuvendit të Iranit merr pjesë në ceremoninë e diplomimit
Një ceremoni që do të mbahet në Teheran të hënën do të shënojë diplomimin e 260 hafizëve të Kur'anit.
Huxhet ul Islam Ali Reza Shahsavan, kreu i Institutit të Kur’anit Bait-ul-Ahzan njoftoi këtë në një konferencë shtypi të premten, duke shtuar se Kryetari i Kuvendit të Iranit Ali Larixhani dhe një numër i zyrtarëve fetarë do të marrë pjesë në ceremoni.
Ai shtoi se disa të diplomuar që do të jenë të pranishëm në ngjarjen e së hënës janë hafiz të Kur’anit nga Iraku dhe Pakistani.
Sipas hoxhës, Huxhet ul Islam Ali Reza Shahsavan, instituti u krijua në qytetin jugor iranian të Estahbanit, Fars, 22 vjet më parë.
Më pas Instituti zgjeroi aktivitetet e tij gjatë viteve dhe tani ka 180 degë në të gjithë vendin, tha ai.
Aktualisht, rreth 2,000 adoleshentë dhe të rinj po e mësojnë Kur'anin përmendësh në degët e institutit, tha Huxha ul Islam Shahsavani.
Burimi : IQNA