Kosovën e presin shumë çështje tjera me rëndësi që duhet të zgjidhen nga krerët e shtetit e to janë çështja e demarkacionit dhe liberalizimi i vizave prandaj Ushtria e Kosovës u la në harresë. 

Ushtria e Kosovës ka mbetur peng e çështjes së demarkacionit, derisa ka kohë që nuk po përmendet fare, edhe pse kjo qeveri kishte premtuar krijimin e shpejt të saj.

Prandaj politikologët dhe prfessoret akeademik  flasin për këtë se pse Kosova do ta ketë ushtrinë e saj?

Prof. Asc. Dr. Enver Bytyçi në një prononcim për “Bota sot” ka përmendur arsyet për mos ratifikimin e demarkacionit, formimin e ushtrisë e ligjet e tjera.

“Formimi i Ushtrisë së Kosovës, ose më saktë, shndërrimi i FSK-së në ushtri, ratifikimi i demarkacionit me Malin e Zi dhe shumë ligje të tjera që zvarriten, nuk miratohen ose nuk paraqiten për miratim në Kuvendin e Kosovës kanë vetëm një shpjegim: Rolin shumë të madh, madje përcaktues, që Kushtetuta e Kosovës i ka dhënë deputetëve serbë dhe minoritarë”, thekson profesor Bytyçi.

Sipas tij, formimi i ushtrisë mund të bëhet vetëm me pjesëmarrjen e Listës Serbe dhe me votat e deputetëve të kësaj liste.

Profesor Bytyçi thotë se imponimi i vendimmarrjes dhe ndryshimeve kushtetuese nga ana e serbëve është shkaku kryesor i krizave që përjeton Kosova.

Ndër të tjera, profesor Bytyçi thotë se formimi i ushtrisë dhe ligji për demarkacionin me Malin e Zi nuk kanë një lidhje të drejtpërdrejtë por pjesëmarrja e serbëve në votimin e këtij ligji kushtëzohet me lloj-lloj arsyetimesh, të cilat shkojnë në dëm të shtetësisë dhe pavarësisë së Kosovës.