Kryetari i Iranit,  Hasan Ruhani deklaroi se bashkëpunimi midis Iranit, Rusisë dhe Turqisë, si tre shtetet garantuese të një regjimi armëpushimi në Siri, ka promovuar sigurinë në këtë vend të shkatërruar nga lufta.

Ruhani i bëri deklaratat të hënën në një takim me homologun e tij turk Rexhep Tajip Erdogan në Ankara, në margjinat e një takimi trepalësh, në të cilin gjithashtu përfshihet Presidenti Rus Vladimir Putin.

"Është e nevojshme për të ndihmuar qeverinë siriane në luftën e saj kundër terroristëve të mbetur, veçanërisht në rajonin e Idlibit dhe në lindje të Eufratit, dhe bashkëpunimi me Damaskun duhet të vazhdojë derisa terrorizmi në rajon të shkatërrohet," tha Presidenti i Iranit.      Modeli i bashkëpunimit midis Iranit, Turqisë dhe Rusisë për të garantuar sigurinë në rajon mund të kontribuojë në stabilitetin rajonal përmes lidhjeve trepalëshe dhe shumëpalëshe midis vendeve fqinje, shtoi ai.

Ruhani tha se Irani i ka kushtuar vazhdimisht rëndësi ruajtjes së sigurisë në Gjirin Persik, në Detin e Omanit dhe në ngushticën e Hormuzit, duke shtuar:

"Republika Islamike e Iranit është e vendosur për të ruajtur sigurinë e rrugëve ujore rajonale." Kryetari  turk, nga ana e tij, tha se sanksionet e SHBA kundër Iranit nuk kanë arritur të japin rezultat. Si një simbol i rëndësishëm i suksesit të dialogut dhe diplomacisë, Turqia i kushton rëndësi ruajtjes së marrëveshjes bërthamore të vitit 2015, shtoi Erdogan. Ai vuri në dukje se popujt dhe qeveritë iraniane dhe turke kanë qëndruar dhe do të qëndrojnë pranë njëri-tjetrit në kohë të vështira. Ai gjithashtu tha se bashkëpunimi Teheran-Moskë-Ankara ka çuar në arritje shumë të mira për stabilitetin dhe sigurinë e Sirisë dhe të gjithë rajonit dhe parandaloi tragjeditë njerëzore në fusha të ndryshme.