Një tubim u mbajt të mërkurën përpara ambasadës Franceze në Teheran për të dënuar republikimin e fundit të karikaturave fyese në lidhje me Profetin e Shenjtë (Paqja e Zotit qoftë mbi të) në Francë dhe kritikat  islamofobe nga zyrtarët francezë.

Demonstruesit brohorisnin parulla kundër zyrtarëve francezë dhe arrogancës botërore dhe denoncuan përdhosjen e shenjtërive islamike në Francë.

Ata gjithashtu dënuan mbështetjen e Presidentit Francez Emmanuel Macron për karikaturat fyese dhe kërkuan falje të pakushtëzuar nga ai.

Ata që morën pjesë në tubim gjithashtu bënë thirrje për dëbimin e ambasadorit francez dhe kërkuan bashkimin me një bojkot të produkteve franceze.

Në fillim të këtij muaji, Presidenti francez Emmanuel Macron u betua të luftojë "separatizmin islamik", për të cilin ai tha se po kërcënonte të merrte kontrollin në disa komunitete myslimane përreth Francës.

Ai gjithashtu përshkroi Islamin si një fe "në krizë" në të gjithë botën dhe tha se qeveria do të paraqiste një projekt-ligj në dhjetor për të forcuar një ligj të vitit 1905 që ndau zyrtarisht kishën dhe shtetin në Francë.

Komentet e tij, përveç mbështetjes së tij për pikat satirike që botojnë karikaturat e Profetit Muhamed (a.s.), kanë tërhequr një dënim të gjerë nga myslimanët në të gjithë botën.