Një numër i madh njerëzish u mblodhën në kryeqytetin e rajonit të Kaukazin Verior të  Rusisë për të shprehur mbështetjen për pakicën  muslimane Rohingya në Mianmar.

Udhëheqësi çeçen Ramzan Kadyrov solli të hënën dhjetëra mijëra njerëz në rrugët e kryeqytetit,  Grozni për të protestuar kundër  "gjenocidit të muslimanëve" në Mianmar.

Dhuna gjatë ditëve të fundit në shtetin Rakhinë të Myanmar-it ka vrarë rreth 400 musliman Rohingya dhe bëri që mijëra refugjatë etnikë të Rohingya të iknin në Bangladeshin fqinj.

Videoja e televizionit shtetëror tregoi se dhjetëra mijëra njerëz u mblodhën në sheshin kryesor të Grozny për të mbështetur muslimanët Rohingya, njoftoi  Agjencia e Lajmeve  AP. Çeçenia është kryesisht muslimane.

Zyrtarët muslimanë dhe hoxhallarët kënduan ajete nga Kur'ani, në gjuhën arabe dhe çeçene, duke u bërë thirrje të gjithë muslimanëve të bashkohen.

Autoritetet lokale të policisë raportuan se 1,1 milion njerëz morën pjesë në tubim. Popullsia e Çeçenisë është 1.4 milion, sipas statistikave zyrtare.

Demonstruesit  këndonin tekbire  "Allahu Ekber”  dhe mbanin postera me fotot e muslimanëve të vrarë të komunitetit Rohingya, të marra nga interneti.   

Qindra vetë mbajtën tubime të ngjashme më 3 shtator 2017 përpara ambasadës së Myanmarit në Moskë dhe në Makhachkala - kryeqyteti i Dagestanit, që është ngjitur me Çeçeninë.

Rreth 90,000 refugjatë më së shumti  musliman Rohingya kanë mbërritur në Bangladeshin fqinj pasi dhuna shpërtheu në Myanmar më 25 gusht, 2017, sipas Kombeve të Bashkuara.