Sudani ka akuzuar Bashkimin Evropian se po përpiqet të ndajë Afrikën, pasi blloku refuzoi të ftojë kryetarin Omar al- Bashir në një Samit të Bashkimit Evropian – Afrikan këtë javë.

    Të dielën, Ministria e Punëve të Jashtme të Sudanit tha në një deklaratë se ftesa e këtij samiti të liderëve të Afrikës ishte selektive dhe duke bërë këtë Bashkimi Evropian është duke u përpjekur për të ndarë Bashkimin Afrikan, njoftoi agjencia AFP.

     Ministria e Jashtme e Sudanit, gjithashtu, tha se qëndrimi i Bashkimit Afrikan është se të gjithë liderët e tij duhet të ftohen.
Samiti duhet të shtyhet derisa shqetësimet e Bashkimit Afrikan të adresohen dhe kjo do të garantojë besueshmërinë e tij dhe respektin për  komunitetin ndërkombëtar, sepse kontinenti afrikan është një, tha ministria.

     Samiti, të mërkurën dhe të enjten, në Bruksel do të sjellë së bashku përfaqësues të 90 kombeve nga të dy kontinentet, duke përfshirë edhe 65 kryetarët e shteteve dhe qeverive.
     Në muajin mars 2009, Gjykata Penale Ndërkombëtare ( ICC ) e ka  akuzuar Bashirin se ka kryer genocid, krime lufte dhe krime kundër njerëzimit në rajonin e Darfurit të Sudanit Perëndimor. Ai u bë kreu i parë i shtetit i akuzuar nga gjykata.

     Darfuri ka qenë skenë e dhunës që nga viti 2003, kur rebelët morrën armët kundër qeverisë sudaneze. Ka pasur edhe luftime fisnore në rajon. Më shumë se 300.000 njerëz janë vrarë në konfliktin sudanez.