Organizata Ndërkombëtare e Policisë (INTERPOL) publikoi një listë prej 173 anëtarësh të grupit terrorist Daesh (ISIS) që përbëjnë një kërcënim për shtetet evropiane.

Sipas faqes së lajmeve të al-Sumaria, INTERPOLI   tha se terroristët e Daesh-it mund të jenë të trajnuar për të kryer  sulme  vetëvrasëse në Evropë në hakmarrje për humbjet ushtarake të grupit Tekfirist në Lindjen e Mesme.

Rrjetet kundërterroriste evropiane janë të shqetësuara se pas rënies së  ‘Khalifatit’ të Daesh-it (ISIS-it), ekziston një rrezik në rritje i sulmuesve vetëvrasës nga ata  që kërkojnë të vijnë në Evropë, ndoshta ata mund të veprojnë vetëm.

Nuk ka dëshmi se ndonjë  prej njerëzve në listë nuk ka hyrë ende në Evropë, sipas informacionit rë Interpolit, i projektuar për të parë nëse burimet e inteligjencës së BE-së kanë detaje mbi individët,  me të cilën ballafaqohet Evropa.

Lista, e dërguar nga sekretariati i përgjithshëm i Interpolit më 27 maj, përcakton grupin e luftëtarëve si individë që "mund të jenë trajnuar për të krijojnë pajisje shpërthyese të improvizuara në mënyrë që të shkaktojnë vdekje dhe lëndime serioze. Besohet se ata mund të udhëtojnë ndërkombëtarisht, për të marrë pjesë në aktivitete terroriste ".   

Daesh është përballur me humbje të njëpasnjëshme në Irak dhe Siri në muajt e fundit.

Kryeministri i Irakut, Haider al-Abadi njoftoi çlirimin e Mosulit nga Daesh-i   në fillim të muajit.

Bastioni i Daesh-it në Rakka të Sirisë është gjithashtu afër rënies.