Burime pranë Boshtit të Rezistencës në Liban të cilët folën për The Cradle, thanë se dy javët e ardhshme mbartin potencialin për një përshkallëzim katastrofik, veçanërisht nëse Izraeli intensifikon ofensivën e tij ushtarake gjatë muajit të Ramazanit dhe avancon planet për të dëbuar palestinezët nga Rafah.

Sipas një sondazhi të kryer nga gazeta në gjuhën hebraike Maariv, 71 për qind e izraelitëve besojnë se Izraeli duhet të nisë një operacion ushtarak në shkallë të gjerë kundër Libanit me qëllim për të mbajtur Hezbollahun larg kufirit. Në të njëjtën kohë, udhëheqja ushtarake izraelite është e vetëdijshme në lidhje me rëndësinë e deklaratës së Nasrallahut të bërë më 13 shkurt se kolonët që ikin nga veriu "nuk do të kthehen" dhe se autoritetet izraelite "duhet të përgatisin strehimore, hotele, shkolla dhe tenda për dy milionë njerëz".

Në dy fjalime të njëpasnjëshme, Nasrallah theksoi se "frontin libanez do t'a qetësojë vetëm ndalimi i luftës në Gaza". Dhe na kujtoi se që nga viti 1982, izraelitët janë përgjigjur ushtarakisht kur vetëm një predhë libaneze ose raketë Katyusha ka goditur territorin e tyre, por tani – pavarësisht më shumë se 2000 sulmeve me raketa nga Rezistenca kundër objektivave kritike izraelite – Tel Avivi nuk është në gjendje të përfshihej në një luftë në shkallë të gjerë.

Burime të informuara që flasin për The Cradle thonë se Shtetet e Bashkuara dhe Izraeli do të duhet të bëjnë disa zgjedhje kritike në dy javët e ardhshme, jo vetëm për shkak se po afrohet muaji i Ramazanit, por edhe për shkak të faktit se Tel Avivi ka kaluar kufirin e "proporcionalitetit" ushtarak duke synuar civilët libanezë dhe përshkallëzimin e tensioneve.

Nisja e një lufte nga Izraeli kundër Libanit, dhe në veçanti Hezbollahut, mund të ishte lëvizja e tij më e rrezikshme, pasi do të bënte që Boshti i Rezistencës të rirregullonte strategjitë e tij në të gjithë rajonin.

Këto rregullime të reja mund të ndodhin në mënyra të ndryshme: Intensifikimi dhe qëndrueshmëria e rezistencës libaneze, Brigadat e Hezbollahut dhe aleatët e tyre kryengritës irakianë që thyejnë armëpushimin e brishtë për të goditur objektiva më të largëta të SHBA-së, marrja e një roli më të rëndësishëm nga Siria, sulmet raketore të Jemenit dhe operacionet me dron që po shtrihen përtej Detit të Kuq dhe Gjirit të Adenit dhe qendrat e fuqisë së Iranit që po zhvendosen drejt konfliktit të drejtpërdrejtë. Kjo situatë e fundit do të ishte një largim i madh nga qasja rajonale e Iranit në katër muajt e fundit.

Përderisa pavarësisht garancive nga Shtetet e Bashkuara se po i bënte presion Izraelit që të reduktonte viktimat, numri mesatar ditor i vdekjeve si rezultat i sulmeve iu afrua 300, rreth 29,000 njerëz humbën jetën dhe më shumë se 60 për qind e shtëpive dhe infrastrukturës u shkatërruan.