Sipas raportit vjetor të faqes ushtarake amerikane Global Firepower, Serbia ka forcën më të madhe ushtarake në Ballkanin Perëndimor. Sipas gjithsej 50 kritereve, ushtria serbe zë vendin e 61-të në fuqi në botë dhe ka kapacitete në rritje. Pasohet nga Kroacia në vendin e 62-të, Shqipëria në vendin e 115-të, Mali i Zi në vendin e 132-të dhe Maqedonia e Veriut në vendin e 135-të.

"Fakti që Serbia është fuqia më e madhe ushtarake në rajon është dëshmi e humbjes së parave të taksapaguesve, të cilët kanë spitale, shkolla, paga dhe pensione të këqija dhe në përgjithësi jetojnë keq. Unë do të preferoja që Serbia të ishte ekonomikisht më e forta në rajoni”, ka komentuar për gazetën Danas, Bojan Kostresh, sekretar i përgjithshëm i Lidhjes Socialdemokrate në Vojvodinë. Jemi të rrethuar nga vende anëtare të NATO-s, nga të cilat kemi humbur tashmë një luftë, kujton politikani.