Turqia është e gatshme të normalizojë marrëdhëniet me Francën pavarësisht tensioneve të vazhdueshme dypalëshe për disa çështje, tha të enjten Ministri i Jashtëm Mevlut Çavusoglu.

Ai tha se kishte pasur një "bisedë telefonike shumë konstruktive" me homologun francez Jean-Yves Le Drian.

"Ne ramë dakord që të punojmë në një hartë për normalizimin e marrëdhënieve," u tha Çavusoglu gazetarëve pas një takimi me Ministrin e Jashtëm Portugez, Augusto Santos Silva në Lisbonë.

Portugalia sapo ka marrë presidencën e rradhës së BE-së.

"Nëse Franca është e sinqertë," Turqia është gati të normalizojë lidhjet, theksoi ai.

Gjuha ishte shumë e ndryshme nga ajo e përdorur nga Presidenti turk Rexhep Tajip Erdogan muajin e kaluar.

Turqia është e përfshirë në një seri mosmarrëveshjesh me Francën dhe partnerët e saj të BE, nga tensionet në Mesdheun lindor në rajonin e diskutueshëm Nago-Karabak.

Erdogan në dhjetor tha se shpresonte që Franca të hiqte qafe Presidentin Emmanuel Macron sa më shpejt të jetë e mundur.

"Macron është telashe për Francën. Me Macron, Franca po kalon një periudhë shumë, shumë të rrezikshme," tha udhëheqësi turk atëherë.

Të enjten Çavusoglu tha se Franca dhe Turqia kishin punuar në "një plan veprimi" për të normalizuar lidhjet dypalëshe.

Ai shtoi se marrëdhëniet me Bashkimin Evropian me 27 kombe si një e tërë do të përfitonin nga një "atmosferë më e mirë".

Në samitin e tyre muajin e kaluar, udhëheqësit e BE vendosën të hartojnë një listë të synimeve turke për sanksione në përgjigje të parashikimeve të Ankarasë për gaz në ujërat greke dhe qipriote.