Autoriteti më i lartë mysliman i Egjiptit Al-Azhar dënoi të mërkurën vendimin e revistës satirike franceze Charlie Hebdo për   ribotimin e karikaturat e Profetit Muhamed (a.s.), ndërsa gjyqi u hap për sulmin e mëvonshëm terrorist në vitin 2015 në zyrën e tij në Paris.

"Këmbëngulja për aktin kriminal për të ribotuar këto karikatura fyese rrisin  më tej gjuhën e urrejtjes dhe ndez emocionet e pasuesve besnikë të feve," tha Observatori i Al-Azhar për Luftimin e Ekstremizmit në faqen e tij në Facebook, raportoi AFP.

Charlie Hebdo shënoi fillimin e gjyqit të së mërkurës duke ribotuar karikaturat e diskutueshme që kishin zemëruar myslimanët globalisht.

Al-Azhari, i konsideruar institucioni kryesor fetar për myslimanët sunitë, tha se vendimi i diskutueshëm për ribotimin e karikaturave ishte "një provokim i pajustifikuar i emocioneve të gati dy miliardë myslimanëve në të gjithë botën".

Al-Azhari  i Egjiptit, bastion i një versioni të moderuar të Islamit Suni, gjithashtu dënoi sulmin terrorist në mjediset e Charlie Hebdo në deklaratën e tij të së mërkurës, duke vënë në dukje "Islami urren çdo akt dhune".