Diplomatja e lartë e Bashkimit Evropian, Federica Mogherini,

Shefja e politikës së jashtme të Bashkimit Evropian tha se marrëveshja ekzistuese bërthamore midis Iranit dhe fuqive botërore nuk duhet të sakrifikohet si pjesë e çdo lëvizjeje të SH.B.A.-së për të krijuar një marrëveshje të re të sigurisë me Teheranin.

Në një takim të ministrave të jashtëm të BE në Finlandë, Mogherini tha se pakti, i njohur zyrtarisht si Plani i Përbashkët i Veprimit (JCPOA) është një marrëveshje shumëkombëshe e përfshirë në një rezolutë të Këshillit të Sigurimit të KB dhe se "Ajo që ekziston duhet të ruhet,"  raportoi Associated Press..

Mogherini tha se nëse mund të bëhet  punë tjetër plotësuese që respekton marrëveshjen bërthamore, "ne do të jemi gjithmonë atje për ta shoqëruar dhe mbështetur këtë qasje."

Tensionet janë rritur ndjeshëm midis Uashingtonit dhe Teheranit që kur Trump tërhoqi në mënyrë të njëanshme Sh.B.A nga Marrëveshja Bërthamore vitin e kaluar.

Zyrtarë të lartë iranianë kanë theksuar se është e pamundur të negociosh nën presionin e sanksioneve dhe terrorizmit ekonomik të SH.B.A.-së dhe sanksionet e tij duhet të ndalen përpara se të flasin për ndonjë negociatë.