Qeveria e Tunizisë tha se ka rimarrë kontrollin në 98 xhami nga grupet selefiste.

     Abdul Sattar Badr, një zyrtar i Ministrisë së Çështjeve Fetare, tha, megjithatë, se selefitë ende kanë 52 xhami të tjera, raporton Businessnews.

     Sipas zyrtarit, i cili shtoi se, qeveria ka vendosur të marrë kontrollin e të gjitha xhamive në vend deri në fund të verës.

      Më parë, Ministri për Çështje Fetare i Tunizisë kishte thënë se disa prej xhamive janë drejtuar nga ekstremistë të rrezikshëm.

     Ekstremistët kanë bërë probleme në Tunizi që nga përmbysja e ish-presidentit Zine El Abidin Ben Ali.

    Tunizianët dolën në rrugë në të gjithë vendin javën e kaluar për të protestuar kundër ekstremizmit dhe terrorizmit, duke denoncuar eskalimin e dhunës në vendin afrikano-verior.

     Ata shprehën kundërshtimin ndaj çdo forme të terrorizmit, duke dënuar rritjen e dhunës në vend.

     Shumë besojnë se dhuna e kohëve të fundit është rezultat i përkrahjes së huaj të grupeve të armatosura të cilët kërcënojnë stabilitetin e Tunizinë. Ekspertët argumentojnë se grupet selefiste dhe tekfiriste kontrollojnë disa xhami dhe aty predikohet gjuha e urrejtjes për të nxitur, ndezur, konflikte në botën arabe.