Kryetari i Tunizisë, Bexhi  Caid Essebsi ka përsëritur se vendi i tij e konsideron Hizbullahun si një lëvizje kombëtare të rezistencës duke e refuzuar përcaktimin e tij si një grup terrorist.

Në një intervistë të mërkurën me një radio tuniziane, Essebsi vuri në dukje se Deklarata e Ministrave të Jashtëm Arab nuk e ka quajtur Hizbullahun si një organizatë terroriste.

Tunizia nuk ka të bëjë me luftën në mes muslimanëve sunnitë dhe shiitë, tha kryetari i Tunizisë, sipas medias tuniziane. Ndërsa,  Essebsi theksoi se disa  tunizianë e kanë shfrytëzuar këtë çështje kundër qeverisë.

Nga ana tjetër, kryetari i Tunizisë theksoi se Tunizia nuk do të normalizojë marrëdhëniet e saj me Izraelin. Tunizia e përkrah Sekretarin e  Përgjithshëm të Hizbullahut, Sejjid Hassan Nasrallah në çdo akt kundër Izraelit, ka thënë Essebsi.  

Ai gjithashtu theksoi se Tunizia ka interes të përbashkët me Evropën, Shtetet e Bashkuara të Amerikës, Arabinë Saudite, Emiratet e Bashkuara Arabe dhe të gjithë Botën Arabe.

Në fillim të marsit Tunizia tha se nuk do të zbaton një vendim të imponuar Saudit  nga Këshilli i Bashkëpunimit të Gjirit Persik për të përcaktuar Lëvizjen e Rezistencës Libaneze ‘Hizbullah’ si një organizatë terroriste. Më 2 mars, këshilli, i cili përbëhet nga Arabia Saudite, Katari, Emiratet e Bashkuara Arabe, Omani, Bahrejni  dhe Kuvajti, e caktuan Hizbullahun si një grup terrorist.

Kryetari i Tunizisë gjithashtu dënoi vendimin e Këshillit të Bashkëpunimit të Gjirit Persik. Faqja e internetit e gazetes së përditshme Al-Chourouk  tha se Essebsi kishte urdhëruar Ministrin e Jashtëm, Khamis al-Jehinawi për të deklaruar zyrtarisht qëndrimin e Tunizisë lidhur me Lëvizje ‘Hizbullah’ dhe për të korrigjuar gabimin e  Ministrave të Punëve të Brendshëm  për Deklaratën kundër Hizbullahut.

Lidhja Arabe gjithashtu nën presionin e Arabisë Saudite më 11 mars 2016 e ka quajtur Lëvizjen e Rezistencës Libaneze ‘Hizbullah’  një organizatë terroriste, një vendim që u kundërshtua nga Iraku, Siria, Libani, Algjeria  dhe Tunizia.