Udhëheqësi i Revolucionit Islamik, Ajatollah Khamenei u takua me një turmë të madhe dje në mëngjes në 35 vjetorin e vdekjes së Imam Khomeinit dhe vuri në dukje rëndësinë e çështjes së Palestinës në pikëpamjet dhe qasjet e Imamit të ndjerë: "Në dritën e besimit dhe qëndrimit të admirueshëm të popullit të Gazës, regjimi sionist po shpërbëhet përpara syve të botës."

Udhëheqësi i Revolucionit Islamik, Ajatullah Khamenei u takua me një turmë të madhe dje në mëngjes në 35 vjetorin e vdekjes së Imam Khomeinit dhe vuri në dukje rëndësinë e çështjes së Palestinës në pikëpamjet dhe qasjet e Imamit të ndjerë, duke theksuar si më poshtë:

Pikëpamjet e imamit të nderuar për Palestinën 50 vjet më parë po kthehen ngadalë në realitet dhe Përmbytja e mrekullueshme e Al-Aksa zhgënjen planin madhështor të armiqve për të dominuar rajonin dhe botën islame, duke e lënë regjimin sionist në një situatë të vështirë. Në dritën e besimit dhe qëndrimit të admirueshëm të popullit të Gazës, regjimi pushtues po shpërbëhet përpara syve të botës.

Ajetullah Khamenei preku karakteristikat e presidentit dëshmorë dhe vlerësoi shërbimin e tyre ndaj popullit, duke vlerësuar pjesëmarrjen domethënëse dhe intensive të kombit në ceremoninë e 'Dëshmorëve të Shërbimit' dhe u shpreh:

Me lejen e Zotit, eposi i zgjedhjeve shumë të rëndësishme të cilat po afrohen do të jetë një plotësim i eposit të kombit që ndjek dëshmorët e shërbimit, nën hijen e pjesëmarrjes entuziaste, votave të larta të kombit dhe epërsisë morale.

Në garat zgjedhore do të zgjidhet një president produktiv, aktiv, i ndërgjegjshëm, i cili beson në parimet e revolucionit dhe ndërsa do të plotësohen boshllëqet ekonomike dhe kulturore, do të mbrohen dhe sigurohen edhe interesat e kombit në rajon dhe në botë.

Në këtë ceremoni plot pasion të mbajtur në tyrben e shenjtë të themeluesit të Republikës Islamike, Udhëheqësi i Revolucionit deklaroi se qëllimi i tubimit madhështor çdo vit është përkujtimi i imamit dhe rikujtimi i mësimeve të tij për qeverisjen dhe përparimin e vendit dhe realizimi i qëllimeve të revolucionit.

Në pjesën e parë të fjalimit të tij, Udhëheqësi i Revolucionit Ayatollah Khamenei shpjegoi si vijon rëndësinë e çështjes së Palestinës në mendimet dhe pikëpamjet e Imamit të ndjerë:

Që në ditën e parë kur filloi lëvizja islamike, Imami u mbështet në çështjen palestineze dhe parashikoi me saktësi rrugën e ardhshme të kombit palestinez dhe ne shohim se këto parashikime shumë të rëndësishme të imamit po realizohen gradualisht.

Si dy shembuj të tjerë të parashikimeve të veçanta të Imamit, ai renditi parashikimin se regjimi mizor dhe shtypës i Tagut-it do të përmbysej në fillim të lëvizjes islame dhe parashikimin se regjimi komunist do të rrëzohej gjatë sundimit dhe vlefshmërisë së regjimit sovjetik.

Lideri i Revolucionit Islamik theksoi se në pikëpamjet e Imam Khomeinit lidhur me çështjen palestineze ishin qëndrimi i vendeve islamike larg kompromiseve, prania e popullit palestinez në fushën e veprimit dhe mbështetja e të gjitha kombeve, veçanërisht muslimanëve ndaj popullit palestinez, si dhe shtoi: Këto ngjarje të mrekullueshme po ndodhin sot.

Duke iu referuar regjimit sionist të ngecur në cep të sheshit për shkak të operacionit të Përmbytjes Al Aksa, Udhëheqësi i Revolucionit u shpreh: “Edhe pse Amerika dhe shumë qeveri perëndimore vazhdojnë të mbështesin këtë regjim, ata po ashtu e dinë se nuk ka rrugëdalje për regjimin pushtues."

Ajatollah Khamenei renditi "përmbushjen e nevojave të rëndësishme të rajonit" dhe "dhënien e një goditjeje thelbësore regjimit vrasës" si dy tipare të rëndësishme të operacionit Përmbytja e Al Aksa dhe tha:

Amerika, elementët e Sionizmit global dhe disa qeveri në rajon kishin hartuar një plan të madh dhe të detajuar për të ndryshuar marrëdhëniet dhe ekuacionet në rajon; në këtë mënyrë, duke krijuar lidhjet e dëshiruara midis regjimit sionist dhe qeverive rajonale, regjimi i urryer do të dominonte politikën dhe ekonominë e Azisë Perëndimore dhe të gjithë botës islame.

Ky plan i keq ishte shumë afër momentit të ekzekutimit kur filloi stuhia e mrekullueshme e Al - Aksa dhe shkatërroi të gjithë strukturën e Amerikës, Sionizmin dhe pasuesve të saj; Por, me ngjarjet e 8 muajve të fundit, nuk ka asnjë shpresë për të ringjallur këtë plan.

Lideri i Revolucionit Islamik i konsideroi krimet e paprecedentë dhe mizorinë e pakufishme të regjimit pushtues dhe mbështetjen e qeverisë amerikane për këto mizori si reagime të tepruara ndaj anulimit të komplotit të madh ndërkombëtar për të dominuar regjimin sionist në rajon.

Kur shpjegoi veçorinë e dytë të përmbytjes së Al-Aksa, e cila do t'i jepte një goditje të pariparueshme regjimit sionist, ai iu referua rrëfimeve të analistëve dhe ekspertëve amerikanë dhe evropianë, madje edhe njerëzve të lidhur me regjimin e urryer.

Ata po ashtu pranojnë se regjimi pushtues, me të gjitha avantazhet dhe disavantazhet e pretenduara, u mund rëndë nga një grup rezistence dhe se edhe pse kanë kaluar 8 muaj, ai nuk ka arritur asnjë nga synimet e tij minimale.

Duke iu referuar fjalëve të një analisti perëndimor në lidhje me fuqinë e operacionit Përmbytja e Al-Aksa për të ndryshuar shekullin e 21-të, Ayatollah Khamenei shtoi: Analistë dhe historianë të tjerë theksojnë konfuzionin dhe marramendjen e regjimit, valën e kundërt të migrimit, dështimin për të mbrojtur banorët e territoreve të pushtuara dhe faktin që projekti sionist po jep frymën e fundit, duke theksuar se: "Bota është në fillim të fundit të regjimit sionist."

Duke iu referuar shndërrimit të çështjes së Palestinës në prioritetin kryesor të botës dhe demonstratave antisioniste në Londër, Paris dhe universitetet amerikane, Ajatollah Khamenei tha:

Për shumë vite, propaganda dhe qendrat mediatike amerikano -sioniste u përpoqën ta kthenin çështjen e Palestinës në harresë, por në dritën e Përmbytjes Al Aksa dhe rezistencës së popullit të Gazës, Palestina tani është bërë çështja e parë në botë dhe Amerika është bërë pasive përballë konsensusit ndërkombëtar të kombeve dhe herët apo vonë, ajo do të duhet të tërheqë mbështetjen e saj nga regjimi sionist.

Udhëheqësi i Revolucionit Islamik përshkroi vuajtjet e popullit të Gazës, duke përfshirë martirizimin e afro 40,000 njerëzve dhe vrasjen e afro 15,000 fëmijëve, foshnjave dhe fëmijëve të vegjël, si një çmim të rëndë të kombit palestinez në rrugën e çlirimit nga duart e pushtuesve: Me bekimin e besimit islam dhe besimit në ajetet e Kuranit, banorët e Gazës vazhdojnë të përballen me probleme, të shkruajnë epika dhe të mbrojnë luftëtarët e rezistencës me një rezistencë të jashtëzakonshme.

Ai deklaroi se llogaritjet e gabuara të regjimit sionist në lidhje me aftësitë e Frontit të Madh të Rezistencës do të çojnë në dështime të njëpasnjëshme të regjimit dhe se me lejen e Zotit, ata nuk do të mund të gjejnë një rrugëdalje nga ky ngërç:

Me gjithë propagandën e Perëndimit, regjimi sionist po shpërbëhet dhe po merr fund para syve të njerëzve të botës dhe përveq kombeve, edhe shumë politikanë botërorë, madje edhe sionistë, e kanë kuptuar këtë fakt.

Në pjesën e dytë të fjalimit të tij, Lideri i Revolucionit Islamik u ndal në martirizimin e presidentit të madh e të dashur dhe të shokëve të tij dhe tha: Secili nga shokët e presidentit ishin figura të vlefshme.

Duke i kujtuar shpirtrat e miqve të Presidentit, Ajatollah Khamenei tha: Imami i ndjerë z. al - Hashim ishte një udhëheqës aktiv, popullor dhe i vlefshëm i Tabrizit dhe një përfaqësues i rëndësishëm i udhëheqjes në provincën e Azerbajxhanit Lindor.

Lideri i Revolucionit Islamik shtoi: Ministri i Punëve të Jashtme z. Emir Abdullahiyan ishte aktiv, punëtor dhe novator, një negociator i fortë, njeri inteligjent dhe parimor.

Për më tepër, sipas dëshmisë së të afërmëve të miqve të tjerë, qofshin Guvernatori i Azerbajxhanit Lindor, roja e sigurisë së Presidentit apo tre anëtarët e dashur të ekuipazhit të fluturimit, të gjithë ishin njerëz të vlefshëm, të dalluar dhe besnikë.

Lideri i Revolucionit Islamik deklaroi se vdekja e këtyre shërbëtorëve të dashur të popullit është një humbje e vërtetë për vendin dhe u shpreh: Në Kuranin Famëlartë në suren el Bekare thuhet: “Mos i quani të vdekur ata që vriten në rrugën e Allahut, sepse ata janë të gjallë, por ju nuk dini”, dhe meqenëse në këtë ajet nuk ka asnjë temë që lidhet me operacionet ushtarake dhe luftën, kushdo që vritet në rrugën e Allahut, si shërbimi ndaj njerëzve, xhihad për ta, qeverisja e vendit dhe avancimi i sistemit të Republikës Islamike, është shehid.

Udhëheqësi i Revolucionit Islamik e cilësoi Reisin dhe miqtë e tij si adresuesit e këtij ajeti të nderuar të Kuranit dhe shtoi: Këta shenjtorë i shohim si dëshmorë të Shërbimit, kjo shprehje e vlefshme ka dalë nga zemra e kombit.

Duke iu referuar shërbimeve të shquara të Reisit të ndjerë, Udhëheqësi i Revolucionit tha: Të gjithë e pranuan se ai ishte njeri i punës, i veprimit, i shërbimit, i rregullit dhe i ndershmërisë. Nuk njihte ditë apo natë për shërbim. I nderuari Reisi, me këtë ndershmëri dhe zell në shërbim të vendit dhe kombit, i shtoi përpjekjet e shërbëtorëve të mëparshëm dhe dha një shembull të ri që nuk është parë më parë në vëllim dhe cilësi superiore.

Aktiviteti i bollshëm dhe i frytshëm në politikën e jashtme për të tashmen dhe të ardhmen e vendit, shfrytëzimi i mundësive dhe vënia në ballë e Iranit në sytë e liderëve politikë botërorë ishin karakteristikat e tjera të dëshmorit Reisi për të cilat foli Lideri Revolucionar.

Në lidhje me karakteristikat e menaxhimit të dëshmorit, Lideri Revolucionar shtoi: Stili i drejtimit të tij mes kolegëve ishte i veçantë, duke sjellë rregull dhe sinqeritet.

Si tipare dalluese të presidentit të ndjerë Ajatollah Khamenei renditi nderimin dhe respektin për njerëzit, duke i dhënë atyre një platformë, respekt dhe besim tek të rinjtë dhe tha:

Madje i trajtonte me dinjitet ata që e shanin dhe nuk reagonte ashpër, në mënyrë të shëmtuar apo me tension ndaj tyre.

Udhërrëfyesi Khamenei e përshkroi vendosjen e një kufiri të qartë me armiqtë dhe kundërshtarët e Revolucionit, shmangien e fjalimeve hipokrite dhe mosbesimin e buzëqeshjes së armikut si një nga cilësitë udhëzuese të Reisit Dëshmor dhe shtoi se: Secila prej këtyre cilësive jep një shembull për politikanët dhe zyrtarët në të gjithë sektorët e kombit, presidentët e ardhshëm dhe zyrtarët e zgjedhur.

Udhëheqësi i Revolucionit, i cili ilustron lavdërimet dhe urimet nga fjalët e njerëzve dhe lëvizjeve të ndryshme në të gjitha mjediset e shtypit e virtual për personalitetin, shërbimet dhe përpjekjet e Reisit Dëshmor ditë e natë, vetëm pas humbjes së tij, u shpreh se: Më vjen keq për Reisin sepse disa njerëz nuk janë të gatshëm të thonë qoftë edhe një fjalë të vetme nga këto fjalë sa ai është gjallë. Edhe pse i panë këto tipare, i shpërfillën dhe madje reflektuan të kundërtën. Sigurisht që edhe disa e ngacmonin në shumicën e rasteve ai nuk përgjigjej, por ndonjëherë vinte tek unë dhe bënte ndonjë ankesë.

Udhëheqësi i Revolucionit u lut për ngritjen e gradave të Reisit Dëshmor dhe shokëve të tij, u uroi durim familjeve të tyre dhe pastaj u shpreh kështu:

Reagimi ndaj vuajtjeve personale dhe kombëtare është depresioni dhe izolimi, në fakt disfata dhe humbja e shpresës për shkak të fatkeqësive. Por, reagimi tjetër është të qëndrosh këmbëngulës përballë fatkeqësisë dhe siç thotë Kurani, është durimi ai që krijon mundësi, krijon epika, prodhon rezultate të ëmbla nga ngjarjet e hidhura dhe në këtë rast, kombi iranian zgjodhi rrugën e dytë, pra rrugë e drejtë.

Ajatollah Khamenei e vlerësoi pjesëmarrjen kuptimplotë të njerëzve në ceremonitë për Dëshmorët e Shërbimit të mbajtura në qytete të ndryshme nga Teherani, Mashhad, Tabriz, Qom, Birjand, si dhe nga Ray deri në Zanjan, Marageh dhe Najafabad, si një shembull i kombit iranian që shkruan epika përballë krizës gjatë gjithë historisë së revolucionit: Kjo epikë tregoi se kombi iranian është i vendosur, i palodhur, në këmbë dhe i gjallë, duke mos iu nënshtruar vështirësive dhe me vendosmëri dhe motivim të shtuar.

Lideri i Revolucionit theksoi se pjesëmarrja intensive e kombit në këto ceremoni tregon komunikimin, interesimin dhe angazhimin e popullit dhe pushtetit me nivelet e larta të vendit dhe u shpreh se: Ndryshe nga nënkuptimet dhe pretendimet e armikut dhe përsëritjet e disa të brendshmëve se Republika Islamike e kishte humbur kapitalin e saj kombëtar, prania e miliona njerëzve pas dëshmorëve tregoi se ky kapital kombëtar, unik kudo në botë, ishte ende në këmbë.

Udhëheqësi Revolucionar e përshkroi pjesëmarrjen e tij në ceremonitë e përvjetorit të vdekjes së themeluesit të Revolucionit si tregues të një lidhjeje dhe përkushtimi të jashtëzakonshëm emocional në mes të njerëzve dhe zyrtarëve dhe gjeneralëve si Reisi dhe Sylejmani.

Mesazhin tjetër të pjesëmarrjes epike të popullit ai e cilësoi si mbështetje për slloganet revolucionare dhe tha:

Reisi i ndjerë i shprehte qartë slloganet e revolucionit dhe ai ishte mishërimi i slloganeve të revolucionit. Respektimi dhe lëvdimi i tij është në fakt shprehje e përkushtimit të njerëzve ndaj slloganeve të revolucionit.

Lideri revolucionar tha se fakti se populli ka mirënjohje për shërbëtorët, se shërbimet e tyre nuk u harruan dhe se paqja dhe siguria e vendit u sigurua plotësisht pavarësisht humbjes së Presidentit, janë mesazhe të tjera të ekzistencës kuptimplote të popullit, duke u shprehur:

Transferimi i këtyre mesazheve dhe fakteve nga Irani dhe iranianët në botë dhe vërja në dukje e gjithë kësaj gatishmërie, motivimi dhe interesi, si dhe fakti që populli iranian vazhdon të punojë në sytë e njerëzve të botës dhe analistëve politikë, janë shumë të rëndësishme dhe efektive në shpjegimin e ekuacioneve politike të rajonit dhe fuqisë dhe shpërndarjes në rajon.

Në një pjesë tjetër të rëndësishme të fjalimit të tij, Ajatollah Khamenei i cilësoi zgjedhjet e ardhshme si një fenomen të madh dhe një ngjarje plot mësime dhe tha:

Shpresojmë, nëse këto zgjedhje mbahen bukur dhe në mënyrë madhështore, dhe nëse populli zgjedh personin tjetër përgjegjës me vota të larta pas kësaj ngjarje tragjike, ky do të jetë një sukses i madh për kombin iranian. Do të ketë jehonë të madhe në mbarë botën, ndaj zgjedhjet e 8 korrikut janë shumë të rëndësishme.

Duke thënë se epika zgjedhore është plotësim i epikës së popullit që ndjek dëshmorët, ai tha:

Kombi iranian mund të demonstrojë kapacitetet dhe aftësitë e tij natyrore dhe njerëzore për të mbrojtur interesat e tij dhe për të stabilizuar thellësinë e tij strategjike në ekuacionet komplekse ndërkombëtare në një mënyrë që do të ëmbëlsojë hapat e vendit. Përveç kësaj, për të mbushur boshllëqet ekonomike dhe kulturore, ai ka nevojë për një president aktiv, punëtor, të ditur, i cili beson në parimet e revolucionit.

Lideri i Revolucionit Islamik theksoi domosdoshmërinë e moralit në garat zgjedhore ndërmjet kandidatëve dhe tha: Shpifjet, përgojimi dhe njollosja nuk ndihmojnë përparimin dhe dëmtojnë reputacionin kombëtar.

Ajatollah Khamenei shtoi: Faza zgjedhore është faza e nderit dhe epikës, dhe është për shërbim, e jo ​​arenë e konkurrencës dhe e luftës për të marrë pushtetin. Me lejen e Zotit, do të zgjidhet një president i denjë për kombin iranian, i cili do t'i udhëheqë zemrat e njerëzve në rrugën e drejtë.

Duke mbajtur një fjalim para Liderit të Revolucionit, Hasan Khomeini deklaroi se sistemi republikan ishte një nga bazat e rëndësishme të politikës së përgjithshme të Imam Khomeinit (r.a.) dhe në lidhje me çështjen e Palestinës, ai u shpreh:

Lavdia e rreme e regjimit sionist është copëtuar dhe është e qartë për të gjithë se ky regjim nuk kupton asgjë tjetër veçse gjuhën e luftës.