Bashkësia Fetare Islame e Maqedonisë ka përjashtuar nga puna teologun Beqir Halimi, i cili nga një armik i kreut të këtij institucioni, pak vite më parë u shëndërrua në një aleat, shkruan gazeta “Dnevnik”.

Halimi ishte punësuar nga BFIM në bibliotekën e Fakultetit të Shkencave Islame në Kondovë të Shkupit, por siç bëhet e ditur ditëve të fundit i është dhënë vendimi i përjashtimit.

Ky i fundit pritet të flas për arsyet e ndarjes me këtë institucion, derisa “Dnevnik”, këtë teolog e përshkruan si ithtarë radikal të fesë, duke u bazuar dhe u thirrur në disa raporte të mediave të Kosovës, burime pranë BFIM.