Hafizët e Kur'anit u nderuan në Indonezi
Në një ceremoni të mbajtur në kryeqytetin e Indonezisë, në Xhakarta, u nderuan një numër i hafizëve të Kur'anit.
Ceremonia u mbajt nga dega e Indonezisë e Qendrës Dar-ul-Kur'an, nga Qendra e Astanit (Kujdestarisë) së Xhamisë së Shenjtë të Imam Hussejnit, njoftoi Agjencia e Lajmeve Kaf.
Ata që u vlerësuan, nderuan në këtë ngjarje ishin djem dhe vajza që kanë përfunduar së mësuari përmendësh xhyzin 29 dhe 30 (pjesë) të Kur’anit të Shenjtë.
Ceremonia filloi me këndimin e ajeteve nga Kur’ani i Shenjtë, duke vazhduar me Tavashih, shfaqje dhe poezi në lavdërim të Hazreti Zahra (a.s.) bija e dashur e Pejgamberit Muhammed (a.s.).
Në fund të ceremonisë, certifikatat të nderit dhe kopje të librit Texhvidi i Kur’anit, ku përfshihen rregullat e Texhvidit të publikuara nga Xhamia e Hazreti Abasit (a.s.) në qytetin e shenjtë të Qerbelasë, në Irak u dhuruan hafizëve të Kur'anit.
Qendra Dar-ul-Kur'an e Xhamisë së Shenjtë të Imam Hussejnit (a.s.) ka qenë organizatore e kurseve Kur'anore në degët e saj në Indonezi për disa kohë.
Ky është Kursi i Kur’anit i shtati me radhë që zhvillohet për trajnimin e mësuesve të Kur’anit në Xhakartë, Indonezi, i cili ka filluar javën e kaluar me pjesëmarrjen e aktivistëve të Kur'anit nga Xhakarta dhe rrethinat e tij.
Burimi : IQNA News