Gjatë ditëve të fundit, mediat sociale janë vërshuar me raporte të rreme se pas protestave në rrugë dhe trazirave të dhunshme të shkaktuara nga vdekja e Mehsa Emini, Republika Islamike e Iranit ka dënuar me vdekje 15,000 protestues.

Pretendimet mashtruese rrjedhin kryesisht nga një raport i 6 nëntorit nga gazeta e lajmeve Iran International me bazë në Britani dhe e financuar nga Arabia Saudite mbi një letër të nënshkruar nga shumica e ligjvënësve iranianë.

Në këtë letër, 227 nga 290 deputetë i bëjnë thirrje organeve të drejtësisë që të mendojnë dënime të rënda për personat e përfshirë në trazira.

Ata thanë se: “Ne, si përfaqësues të këtij kombi, kërkojmë nga të gjithë zyrtarët e shtetit, përfshirë Gjyqësorin, që të trajtojnë sa më parë ata që hapin luftë kundër Republikës Islamike dhe ata që sulmojnë jetën dhe pronën e njerëzve, siç janë terroristët e ISIS.”

Brenda vetëm disa ditëve, media perëndimore si Newsweek zgjodhi të keqinterpretonte historinë dhe e ktheu atë në lajme të rreme, duke pretenduar se parlamenti iranian kishte "votuar në mënyrë dërrmuese për dënim me vdekje për protestuesit".

Shumë personalitete perëndimore, duke përfshirë figura si Peter Frampton, Sophie Turner, Viola Davis dhe kryeministri kanadez Justin Trudeau, zgjodhën të ndezin zjarrin duke përhapur paturpësisht lajmet e rreme më të fundit kundër Iranit.

Ndërsa, në realitet nuk ka pasur ndonjë votim të tillë në Teheran, sepse nënshkrimi i një letre nuk do të thotë miratim i një ligji. Gjithashtu, duke qenë se gjyqësori është i rregulluar si një pushtet i veçantë qeveritar në Kushtetutën iraniane, parlamenti iranian nuk ka aftësi për të vendosur dënime.

Neni 11 i Kushtetutës përcakton në mënyrë të detajuar rolin e gjyqësorit si pushtet i pavarur.

Shifra prej 15,000 protestuesve të arrestuar nga autoritetet iraniane rrjedh nga Agjencia e Lajmeve të Aktivistëve të të Drejtave të Njeriut (HRANA), e cila turbulloi ujërat edhe më tej.

 HRANA me qendër në SHBA është krahu mediatik i Aktivistëve Iranianë për të Drejtat e Njeriut (HRAI) dhe një grup që merr fonde nga National Endowment for Democracy (NED). NED është një aparat i fuqisë së butë të CIA-s që për dekada, ka financuar përpjekjet për ndryshimin e regjimit në mbarë botën.

Sipas raportit të agjensisë shtetërore iraniane të lajmeve IRNA më 14 nëntor, Irani deri më tani ka dënuar zyrtarisht me vdekje një protestues të vetëm me akuzat për "shqetësim të qetësisë dhe rendit publik, komplot kundër sigurisë kombëtare duke demonstruar dhe kryer vrasje dhe duke shkaktuar dëme në tokë". Ky person thuhet se i vuri zjarrin një selie të qeverisë në provincën e Teheranit.

Ndërsa, pesë persona u dënuan me burg nga 5 deri në 10 vjet me akuzën e "thirrjes për të kryer krime kundër sigurisë kombëtare dhe prishje të rendit dhe qetësisë publike në bashkëpunim".

Në fund të muajit të kaluar, gjyqësori iranian njoftoi se 1000 njerëz do të ndiqen penalisht për pjesëmarrje në trazirat në Teheran.

Zyrtarët iranian akuzojnë fuqitë e huaja për nxitjen e dhunës në rrugë për të detyruar përmbysjen e qeverisë revolucionare. Edhe ish-zyrtarët amerikan pranojnë se grupet separatiste në Iranin perëndimor janë trajnuar dhe armatosur në Rajonin e Kurdistanit të Irakut (IKR) pikërisht për këtë qëllim.