Ministria e Shëndetësisë me qendër në Ramallah njoftoi të hënën se 244 raste të reja COVID-19 (koronavirus) janë zbuluar në Bregun Perëndimor dhe Jerusalem, ndërsa 527 pacientë janë shëruar në 24 orët e fundit.

Ministria tha në raportin e saj të përditshëm se shkalla e rikuperimit në mesin e pacientëve COVID-19 në Bregun Perëndimor dhe Jerusalem  është ngjitur në 44.9%, shkalla e rasteve aktive ka rënë në 54.6%, dhe shkalla e vdekjeve ka rënë në 0.5% .

Infeksionet e reja përfshinin 27 raste në Jerusalem, 131 në al-Khalil, 14 në Nablus, 14 në Xhericho dhe Luginën Jordan, 1 në Betlehem, 2 në Kalkilia, 10 në  Xhenin, 42 në Ramallah dhe al-Bireh, 1 në Tulkarem , 1 në Salfit dhe 1 në Tubas.

Ministria tha se 9 pacientë në gjendje kritike janë pranuar në njësitë e kujdesit intensiv, përfshirë dy të cilët janë vendosur në ventilatorë.