Sondazh: Shumica e qytetarëve turq duan që Aja Sofia të bëhet përsëri një xhami
Më shumë se 73% e qytetarëve turq janë për ta kthyer Aja Sofinë në xhami, sipas një sondazhi të gazetës pro-qeveritare Yeni Şafak.
Rreth 22% u përgjigjën "Jo", ndërsa 4.3% nuk shprehin një mendim.
Sondazhi "Arenda" u krye midis 2-5 qershorit 2020, menjëherë pas 567-vjetorit të pushtimit Otoman të Stambollit dhe leximit të Kur’anit në Aja Sofi, dhe u përgjigj nga 2,414 njerëz.
Rreth 68% e pjesëmarrësve e pëlqyen leximin e Kur’anit në Aja Sofia dhe dëshirojnë ta përsërisin atë në vitet në vijim në të njëjtën ditë.
Ministri i Jashtëm turk, Mevlut Cavusoglu tha të enjten se Aja Sofia "nuk është çështje e çështjeve ndërkombëtare, por një çështje e sovranitetit kombëtar".
Sidoqoftë, për shkak se Aja Sofia është një vend i UNESCO-s, Turqisë do t'i duhej aprovim nga organizata me qendër në Paris nëse dëshiron të shmangë ndëshkimin ndërkombëtar, sipas City Times.
Aja Sofia u përdor si kishë për 916 vjet. Në vitin 1453, ajo u shndërrua në një xhami nga Sulltan Mehmeti II kur perandoria pushtoi Stambollin.
Nën Republikën Turke, ajo u bë muze.