Sekretari i Përgjithshëm i Kombeve të Bashkuara (UN) Antonio Guterres reagoi ndaj vendimit të Presidentit të SHBA-së, Donald Trump për të njohur sovranitetin izraelit mbi lartësitë e Golanit.

Sekretari i Përgjithshëm i OKB-së, Guterres tha se çdo zgjidhje për krizën siriane duhet të garantojë integritetin territorial dhe unitetin e Sirisë, duke përfshirë edhe Golanin e pushtuar.

"Ne duhet të vazhdojmë të punojmë për të krijuar një rrugë politike drejt një paqeje të qëndrueshme ku mbështetën të gjithë sirianët, dhe trajtohen ankesat e tyre di dhe përmbushen nevojat e tyre", tha Guterres në hapjen e Samitit të 30-të të Ligës Arabe në Tunizi të dielën.

Guterres tha se i dërguari i posaçëm i OKB-së për Sirinë, Geir O. Pedersen ka përcaktuar përparësitë e Sirisë për paqen në përputhje me rezolutën 2254 të Këshillit të Sigurimit, duke bërë thirrje për një armëpushim, zgjedhje të kontrolluar nga OKB dhe një zgjidhje politike të udhëhequr nga Siria.

Rezoluta u miratua njëzëri nga Këshilli i Sigurimit i OKB në dhjetor 2015 dhe në  vitin 2017, u përcaktua si bazë ligjore për zgjidhjen e krizës siriane në bisedimet e paqes të Astana.

Ministria e jashtme siriane tha javën e kaluar se Guterres kishte kërkuar një qëndrim të qartë mbi 'problemin e pushtimit’ në lartësitë e Golanit.

Ndërkohë, Damasku i kishte bërë thirrje Këshillit të Sigurimit 'të marrë masa efektive' për ta detyruar Izraelin të tërhiqet në kufijtë e saj para vitit 1967.