Diplomati tunizian rrëmbehet në Libi
Tunizia thotë se
sulmues të panjohur kanë rrëmbyer një prej stafit të ambasadës të saj në
kryeqytetin e Libisë, në Tripoli.
Sipas Press TV, Ministria e Jashtme
e Tunizisë në një deklaratë të lëshuar të shtunën tha se ishte në kontakt me
autoritetet libiane për të ndjekur fatin e Muhammed bin Sheikh, sekretarit të
ambasadorit të Tunizisë në Tripoli, i cili ishte rrëmbyer në kryeqytetin e
Libisë, një ditë më parë.
Ministria, gjithashtu, i bëri
thirrje zyrtarëve libianë për të siguruar mbrojtjen e të gjithë
punonjësve të misioneve diplomatike dhe konsullatave në Libi.
Sipas një burimi të Ambasadës të
Tunizisë, burra të armatosur të paidentifikuar kanë detyruar makinën e Muhammed
bin Shejhut ta ndalin në periferi të kryeqytetit, në Ain Zara, më 21 mars 2014.
Në një incident të ngjashëm,
sulmuesit e armatosur rrëmbyen katër diplomatë egjiptianë dhe një punonjës të ambasadës
në Tripoli më 24 dhe 25 janar 2014.
Incidenti e detyroi Kajron të evakuojnë
ambasadën e saj nga kryeqyteti i Libisë, si dhe konsullatën e saj në Bengazi.
Diplomatët u liruan disa ditë më vonë.
Një zyrtar i Koresë së Jugut u
rrëmbye në muajin janar 2014, duke e lënë zyrën e tij në kryeqytetin libian.
Megjithatë , forcat libiane të sigurisë arritën ta lirojnë atë disa ditë më
vonë.