Presidenti iranian Hassan Rouhani theksoi rezistencën e suksesshme të vendit përballë presioneve të armikut dhe luftës ekonomike dhe tha se administrata e tij përqafon investitorët dhe sipërmarrësit e huaj pas dështimit të komploteve të armikut.

"Në tre vitet e fundit të luftës ekonomike (SHBA), Irani provoi se nuk do të dorëzohej dhe armiqtë pësuan një humbje poshtëruese," tha Rouhani të enjten ndërsa përuronte Kompaninë Petrokimike Lordegan në provincën jugperëndimore të Chaharmahal dhe Bakhtiari, me sa duket duke iu referuar humbjes së zgjedhjeve të Presidentit të SHBA-ve Donald Trump.

Ai më tej e përshkroi ekonominë e Iranit si "të madhe" dhe "rezistuese", duke theksuar se asnjë fuqi nuk ka aftësinë për të eleminuar Iranin falë pozicionit të tij gjeopolitik.

"Shumë erdhën për të shkatërruar Iranin, por nuk arritën ta bënin atë," theksoi presidenti iranian.

Një Iran i begatë dhe me vështrim përpara është i rëndësishëm si për rajonin dhe për botën, tha Rouhani, duke shtuar,

"Qeveria dhe populli iranian mirëpresin praninë e investitorëve të huaj (në Iran) brenda kornizës së rregullave të investimeve."

Të mërkurën, Rouhani përshkroi përfundimin e "Trumpizmit" si një dëshmi për fitoren e popullit  iranian në një luftë ekonomike të imponuar nga qeveria e SHBA-ve.

Ai vlerësoi popullin iranian për përballimin e luftës ekonomike që administrata e Trumpit në largim intensifikoi gjatë tre viteve të fundit.

"Një nga shenjat kryesore të fitores së popullit iranian dhe humbja e sigurt e armikut në këtë luftë ekonomike është një fund i epokës së Trumpizmit," shtoi ai