Papa Françesku dergon video mesazhe
Papa dërgon video mesazhe në qendrën e re të parandalimit të abuzimit në Kil
Papa Françesku shoqëron hapjen e Qendrës Cuida për parandalimin e abuzimit në Kil, me një video mesazh, në të cilën ai falënderon ata të përfshirë në promovimin e këtij projekti.
Papa Françesku fillon duke thënë se, përmes kësaj video mesazhi, ai dëshiron të jetë i pranishëm në këtë ditë në të cilën u themelua Fundación Cuida.
Qëllimi i kësaj qendre të re, thotë ai, nuk është vetëm adresimi i problemeve serioze të parandalimit dhe abuzimit, por kryerja e hulumtimeve dhe kërkimi i politikave që mund të “shpëtojnë gjithnjë e më shumë të mitur nga gjithçka që është abuzimi, gjithçka që është manipulim dhe që në një farë mënyre shkatërron zemrat e tyre ”.
Mbrojtja e fëmijëve
Papa i dërgoi mesazhin Universitetit Katolik të Kilit dhe "Fundación para la Confianza" të cilat, së bashku, janë përgjegjës për krijimin e Qendrës së Re Cuida. Në zemër të mesazhit të tij, Papa u bën thirrje këtyre institucioneve në Kili të "kujdesen për fëmijët".
Gjatë ceremonisë së inaugurimit, Rektori i Universitetit Katolik, Ignacio Sánchez, përcaktoi përparësinë e Qendrës si "të kontribuojë në një politikë publike që do të lejojë ndërtimin e një shoqërie më respektuese dhe mbrojtëse ndaj fëmijëve dhe adoleshentëve".
Parandalimi i abuzimit
"Fundación Para la Confianza" u themelua në vitin 2010 nga viktimat e abuzimeve të kryera nga ish-prifti Fernando Kadima. Misioni i saj është të luftojë abuzimin e fëmijëve dhe të shoqërojë dhe ndihmojë ata që kanë qenë viktima të këtyre krimeve.
Qendra Cuida është një hapësirë akademike dhe kërkimore e krijuar për të mbledhur prova shkencore, për të promovuar politikat publike dhe për të zhvilluar mjete për parandalimin dhe veprimin në fushën e abuzimit dhe mbrojtjen e të miturve.