Teherani: Shqipëria ka rënë pre e skenarit izraelito-amerikan
Teherani ka denoncuar Shqipërinë për dëbimin e dy diplomatëve iranianë, duke thënë se vendi i Ballkanit ra pre e një skenari të përgatitur nga SHBA dhe Izraeli.
Ministria e Jashtme e Shqipërisë njoftoi të mërkurën se ka dëbuar dy diplomatë iranian të dyshuar për "përfshirje në aktivitete që dëmtojnë sigurinë e vendit".
Një zëdhënës i ministrisë i tha Associated Press se dëbimet ndoqën bisedimet me të tjerët, përfshirë Izraelin.
Zëdhënësi i Ministrisë së Jashtme të Iranit, Bahram Qassemi tha të enjten se veprimi i Shqipërisë ishte "në përputhje me skenarët e mëparshëm të tillë që do të dëmtonin marrëdhëniet Iran - Evropë në momentin aktual të ndjeshëm".
Ai tha se dëbimet vijnë ndërsa Teherani "gjithmonë ka pasur marrëdhënie të duhura me Shqipërinë dhe i ka respektuar të gjitha rregulloret e saj të brendshme në një masë të bazuar në parimet e politikës së jashtme të Republikës Islamike të Iranit".
Këshilltari amerikan i Sigurisë Kombëtare John Bolton ishte i shpejtë për të mbështetur publikisht vendimin e Shqipërisë.
Ai shkroi në twitter se: “Ne qëndrojmë me kryeministrin [Edi] Rama dhe me popullin shqiptar, përderisa ata ngriten kundër sjelljeve të pakujdesshme të Iranit në Evropë dhe në të gjithë globin.”
Qassemi tha se qëndrimi i Uashingtonit mbi këtë çështje dhe deklarata e Shqipërisë se lëvizja e saj ishte koordinuar me shërbimet e huaja të sigurisë, tregojnë se SHBA dhe regjimi izraelit qëndrojnë pas këtyre dëbimeve.
Ai shtoi se Shqipëria ka rënë pre e një skenari të përgatitur nga SHBA-ja, regjimi izraelit dhe disa grupe terroriste.
Zyrtari iranian më tej i bëri thirrje qeverisë shqiptare "të mbrojë sovranitetin, pavarësinë dhe sigurinë e saj përballë skenarit amerikano-izraelit”, duke theksuar se vendi “nuk duhet të lejojë të tjerët të ndikojnë dhe të pengojnë marrëdhëniet e saj me Iranin për shkak të veçanta politike”.
Shqipëria pret mijëra anëtarë të Organizatës Mujahedin Khalq (MKO), i cili është një grup terrorist famëkeq anti-Iran.
MKO ka kryer sulme të shumta kundër civilëve iranianë dhe zyrtarëve qeveritarë gjatë tre dekadave të fundit dhe është e shënuar si një organizatë terroriste nga pjesa më e madhe e bashkësisë ndërkombëtare.
Nga rreth 17,000 iranianë të vrarë në sulme terroriste që nga fitorja e Revolucionit Islamik të Iranit në 1979, rreth 12,000 vetë kanë rënë viktima të akteve terroriste të MKO-së.
Shqipëria nuk është vendi i parë evropian që bën pretendime të tilla kundër Iranit.
Në qershor, autoritetet belge thanë se një diplomat iranian ishte arrestuar së bashku me një burrë 38-vjeçar dhe një grua 33-vjeçare, të dyshuar për komplotimin e një sulmi me bomba në një takim të MKO-së në Paris, ku morën pjesë avokati i presidentit të SHBA-së Donald Trump, Rudy Giuliani, dhe disa ish ministra evropianë dhe arabë.
Assadollah Assadi, 46 vjeç, u arrestua në Gjermani dhe më vonë u ekstradua në Belgjikë në kundërshtim me Konventën e Vjenës për Marrëdhëniet Diplomatike 1961.
Më vonë, më 30 tetor, shefi danez i inteligjencës Finn Borch Andersen pohoi se një shërbim i inteligjencës iraniane ishte përpjekur të bënte një komplot për të vrarë një figurë opozitare arabe iraniane në tokën e Danimarkës.
Policia suedeze e sigurisë tha gjithashtu se një shtetas norvegjez me origjinë iraniane ishte arrestuar më 21 tetor në lidhje me komplotin e dyshuar dhe u ekstradua në Danimarkë.
Mediat izraelite më vonë zbuluan se agjencia izraelite e spiunazhit Mossad kishte pajisur Danimarkën me "inteligjencë" në lidhje me komplotin e supozuar nga Teherani.
Kryeministri izraelit Benjamin Netanjahu ka pranuar se Tel Aviv është prapa asaj të cilën Ministri i Jashtëm iranian e përshkroi si "flamuj të rremë" në Evropë.
Teherani tha se "duar të padukshme" janë duke punuar për të dëmtuar lidhjet e Iranit me Evropën në një kohë kur të dy palët po bashkëpunojnë ngushtë për të shpëtuar marrëveshjen bërthamore shumëpalëshe të vitit 2015 pas tërheqjes së SHBA-së.
Burimi : Press Tv