Duke kuptuar se De Marenches ishte më larg nga realiteti iranian sesa SAVAK, Kaveh iu përgjigj kësaj oferte duke thënë: "A nuk mendoni se nëse do të ndodhte diçka e tillë, ky person do të shpallej dëshmor dhe komunistëve do t'u jepej një armë e re me të cilën do të shfrytëzonin situatën duke përdorur metodat e tyre speciale të propagandës?"

Në prag të mbërritjes së Imam Khomeinit në Francë, shefi i shërbimit inteligjent francez i sugjeroi SAVAK-ut që ta vriste imamin, por SAVAK-u nuk e pranoi këtë ofertë sepse kishin frikë nga reagimi i publikut për martirizimin e imamit.

Rajanews: Imam Khomeini, udhëheqësi i revolucionit në mërgim, u largua nga Iraku për në Francë në tetor të vitit 1978. Pasaportat dhe dokumentet e tij ishin të ligjshme dhe ai dhe shoqëria e tij e vogël nuk kishin nevojë për vizë për të qëndruar në Francë për tre muaj.

Ky udhëtim befasoi si SAVAK-un ashtu edhe shërbimin inteligjent francez. Personi i parë që përcolli lajmin në Teheran ishte ambasadori iranian në Paris, Shapur Bahrami. Presidenti francez, i cili në atë kohë po udhëtonte në Brazil, i përcolli menjëherë Ajatollah Khomeinit këtë mesazh zyrtar: “Duke qenë se vizita juaj në Francë është turistike dhe qëndrimi juaj në vendin tonë do të jetë i përkohshëm, duhet të qëndroni larg aktiviteteve politike gjatë kësaj periudhe”. SAVAK-u gjithashtu i dërgoi një mesazh urgjent shërbimit inteligjent francez duke kërkuar që të merrnin informacione për rrethin dhe të afërmit e Ajatollah Khomeinit që e shoqëronin si dhe të përgjonin linjat telefonike të rezidencës së tij.

Disa ditë më vonë, më 10 tetor, nënkryetari i shërbimit të fshehtë të jashtëm të SAVAK-ut, gjeneral brigade Ali Mohammed Kaveh, shkoi në një udhëtim tre-ditor në Paris për të shkëmbyer mendime me zyrtarët e inteligjencës franceze për mysafirët e tyre të rinj. Të nesërmen, ai pati një takim tre orë e gjysmë me kontin Alexandre de Marenches, kreun e shërbimit të inteligjencës së jashtme franceze. Në këtë takim, De Marenches u shpreh se dëbimi i Ajatollahut nga Iraku ishte sugjerimi i tij për Sadamin disa kohë më parë. Edhe ai, ashtu si SAVAK-u, i quajti disa nga rrethi i Imamit, si Kutbzadeh dhe Bani Sadr, komunistë për shkak të pikëpamjeve të tyre majtiste dhe tha se ata po planifikonin ta çonin Ajatollah në Itali. Konti Alexandre de Marenches i bëri një sugjerim të hapur përfaqësuesit të SAVAK-ut: "Do të ishte mirë t'i jepej mundësia për të shkuar në Itali dhe agjentët tuaj mund ta eliminonin lehtësisht duke përfituar nga kaosi atje!"

Duke kuptuar se De Marenches ishte më larg nga realiteti iranian sesa SAVAK, Kaveh iu përgjigj kësaj oferte duke thënë: "A nuk mendoni se nëse do të ndodhte diçka e tillë, ky person do të shpallej dëshmor dhe komunistëve do t'u jepej një armë e re me të cilën do të shfrytëzonin situatën duke përdorur metodat e tyre speciale të propagandës?" Më pas, ai përmend valën e thashethemeve të cilat dolën pas vdekjes së Hyxhetylislam Kafit në një aksident disa muaj më parë, se ai ishte martirizuar nga regjimi i Shahut. Pas kësaj, De Marenches nuk insistoi më në sugjerimin e tij dhe thjesht tha: "Po, kjo nuk do të ishte e drejtë!"