Për një turist që viziton Iranin gjatë dhjetë ditëve të para të muajit Muharrem, këto ditë mund të duken si një përvojë kulturore gjithëpërfshirëse.

Rrugët anembanë vendit janë zbukuruar me parulla dhe flamuj, njerëzit kanë ngritur tenda në të gjithë qytetin për të duke shpërndarë ushqime dhe pije, natën bëhen vajtime dhe vajtues nga të gjitha sferat e jetës rrahin gjoksët e tyre ndërsa u rrjedhin lotët nëpër fytyrat e tyre të pikëlluara.

Por, ky ritual, i cili duket si një ceremoni unike zie, ka një kuptim shumë më të thellë për ata të cilët e përjetojnë.

Ceremonitë historike, të cilat kanë vend në zemrat dhe mendjet e miliona njerëzve, sillen rreth historisë së martirizimit të Imam Huseinit (a.s), nipit të Profetit të Islamit. Në fushën e Qerbelasë, një ushtri e përbërë prej më shumë se 4000 ushtarësh Emevi marshuan mbi Imam Huseinin dhe 72 shokët e tij në përgjigje të kërkesave të tyre për drejtësi. Më shumë se 13 shekuj më vonë, lëvizja e Imam Huseinit është bërë gjithnjë e më legjendare për ata të cilët kërkojnë drejtësi dhe liri në botë.

Mustafa, i cili shpërndau pije të ftohta për vajtuesit, u shpreh se: "Imam Huseini mund të jetë shembull për njerëzit e të gjitha kulturave dhe racave." Kur u pyet se pse qëndroi në vapë 40 gradë për të shprehur respektin e tij për Imam Huseinin, ai tha: "Kjo është ajo që i jep kuptim jetës sime. Unë vij këtu çdo vit për të kujtuar se çfarë është jeta...Të kujtoj se sido që të jetë, unë duhet të mbetem gjithmonë besnik ndaj standardeve të mia morale dhe t'i kryej detyrat e mia në mënyrën më të mirë të mundshme."

Shumë njerëz të cilët marrin pjesë në ngjarjet e muajit Muharrem ndihen në të njëjtën mënyrë. Ata e shohin muajin Muharrem si burim mësimesh dhe udhëzimi. Historia e trishtë e martirizimit të Imam Huseinit krijoi një rrjedhë jete që do të zgjasë përgjithmonë në mendjet e atyre që e vajtonin. Ali Ansari, një dijetar islam, i cili ia kushtoi jetën e tij kuptimit më të mirë të historisë islame, u shpreh se: "Ngjarjet e kaluara të çdo shoqërie mbartin përvoja dhe mësime të vlefshme të marra me kosto të mëdha, disa prej të cilave mund të ngjallin jehonë tek njerëzit edhe shekuj më vonë." "Disa ngjarje do të mbahen dhe rishikohen gjithmonë. Një ngjarje si Qerbelaja mund të jetë përgjithmonë burim frymëzimi për ata që nuk duan të përkulen nën presionin e shtypësve të tyre. Pavarësisht nëse i mposhtin shtypësit e tyre ose vdesin duke i luftuar ata, njerëzit që kërkojnë drejtësi do të mbizotërojnë gjithmonë."

Prandaj, lëvizja e Imam Huseinit mund të shihet si një mësim që do t'u mësojë brezave të ardhshëm se si të luftojnë kundër tiranisë dhe padrejtësisë. Imam Huseini e fitoi luftën kundër sundimtarëve despotikë të kohës së tij kur gjaku i tij preku shpatën e armiqve të tij.

Në të njëjtën kohë, muaji Muharrem është gjithashtu një muaj që bashkon njerëz nga sekte, fe dhe prejardhje të ndryshme. Mary, një anëtare e pakicës së krishterë të Iranit, thotë se ajo, ashtu si bashkatdhetarët e saj muslimanë, këtë muaj mban zi për motrën e Imam Huseinit, Hz, Zejneb. "Zejnebja është një shembull i përsosur i një gruaje që e do Zotin," tha Mary, duke shtuar, "Ajo pati një ndikim të madh në fushën e betejës po aq sa burrat që luftuan. Në një kohë kur gratë shpërfilleshin kryesisht, ajo u tregoi të gjithëve se ajo dhe kolegët e saj mund të kishin një kuptim më të thellë se shumica e njerëzve."

Nëse merrni pjesë në ceremoninë e zisë në ndonjë qytet të Iranit në ditën e Ashurës, mund të dëshmoni madhështinë e trashëgimisë së Imam Huseinit me sytë tuaj. Imam Huseini la një shenjë që nuk do të vdesë kurrë në historinë njerëzore dhe kjo shenjë bëhet gjithnjë e më e dukshme me kalimin e kohës.