Kryeministri i Izraelit të martën njoftoi se do të vizitojë Bahrejnin "së shpejti" pasi mori një ftesë zyrtare nga princi i kurorës së vendit.

"Unë fola me Princin e Kurorës dhe Kryeministrin e Bahrejnit, Princin Salman bin Hamad Al Khalifa," shkroi në Twitter Benjamin Netanyahu së bashku me një video.

Sipas agjencisë shtetërore të lajmeve të Bahreinit, të dy udhëheqësit folën në telefon të hënën vonë.

"Ne të dy jemi shumë entuziastë për faktin se mund të sjellim frytet e paqes në popujt dhe vendet tona, në një kohë shumë të shkurtër," tha Netanyahu.

Kryeministri izraelit tha se ai kishte marrë një ftesë për të vizituar dhe do ta pranojë atë në të ardhmen e afërt. "Unë do ta bëj në emrin tuaj dhe me kënaqësi," shtoi Kryeministri.

Bahreini normalizoi lidhjet me Izraelin në muajt e fundit pasi nënshkroi një marrëveshje të ndërmjetësuar nga SHBA.