Një bombardim dhe një sulm me të shtëna të martën në kryeqytetin afgan, Kabul, vrau të paktën tre persona, përfshirë një zëvendës guvernator provincial, thanë zyrtarët.

Sipas Tarik Arian, zëdhënësi i Ministrisë së Brendshme Afgane, një bombë e bashkangjitur në një automjet të blinduar që i përkiste zëvendës guvernatorit të provincës së Kabulit vrau dy persona dhe plagosi dy të tjerë.

Zëvendës guvernatori i provincës dhe shënjestra e dukshme e sulmit, Mahbubullah Muhibi, u vra së bashku me sekretarin e tij ndërsa dy prej truprojeve të tij u plagosën, tha Arian. Bomba shpertheu në lagjen Macrorayan të Kabulit.

Në sulmin tjetër në Kabul, persona të armatosur qëlluan dhe vranë një oficer policie dhe plagosën një polic tjetër, tha Ferdaws Faramarz, zëdhënësi i shefit të policisë së Kabulit. Një hetim ishte në vazhdim, shtoi ai, raportoi AP.

Askush nuk mori menjëherë përgjegjësinë për sulmet në Kabul. Grupi terrorist Daesh ka marrë përgjegjësinë për sulmet e shumta në kryeqytet në muajt e fundit, duke përfshirë sulme të tmerrshme ndaj institucioneve arsimore që vranë deri në 50 njerëz, shumica e tyre studentë.

Talibanët kanë zhvilluar beteja të hidhura kundër Daesh, veçanërisht në bastionet e Daesh-it në Afganistanin lindor, ndërsa vazhdojnë kryengritjen e tyre kundër forcave të qeverisë Afgane.

Dhuna në Afganistan ka shënuar një rritje të shpejtë muajt e fundit edhe kur Talibanët dhe negociatorët e qeverisë Afgane po takohen në Katar për të provuar dhe arritur një marrëveshje paqeje që mund t'i japë fund dekadave të luftës.