Rustami u shpreh: “Ushtria e Gardës Revolucionare Islamike kreu stërvitje ushtarake që synonin reaktorin Dimona brenda Izraelit. Irani ka një surprizë të madhe, më të rëndësishme se armët bërthamore dhe ne do ta mbajmë të fshehtë këtë surprizë derisa të arrijë ora zero.´´

Një ish - zyrtar i lartë i Ushtrisë së Gardës Revolucionare Islamike (IRGC) ka bërë një deklaratë të guximshme për arsenalin ushtarak të Iranit, ku ka deklaruar se vendi ka armë më të fuqishme se bombat bërthamore.

Gjeneral brigade Ibrahim Rustami, ish - kreu i Departamentit të Marrëdhënieve Ndërkombëtare të Ushtrisë së Gardës Revolucionare dhe ish-sekretar i Komisionit të Zhvillimit dhe Pajisjeve, ka bërë deklarata të rëndësishme në një intervistë me faqen e lajmeve dhe analizave Dide Ban Iran (Iran Watch) të martën.

Rustami u shpreh: “Ushtria e Gardës Revolucionare Islamike kreu stërvitje ushtarake që synonin reaktorin Dimona brenda Izraelit. Irani ka një surprizë të madhe, më të rëndësishme se armët bërthamore dhe ne do ta mbajmë të fshehtë këtë surprizë derisa të arrijë ora zero.´´

Ibrahim Rustami deklaroi se ai mbështet kërkesat e fundit të anëtarëve të parlamentit iranian për të ndryshuar doktrinën "pa armë bërthamore" të vendit, duke u shprehur se: “Disa gjëra nuk janë të njohura për ta [deputetët] sepse këto janë informacione shumë konfidenciale".

Ibrahim Rustami vuri në dukje po ashtu edhe operacionet taktike të së kaluarës, duke iu referuar incidenteve në të cilat u shënjestruan cisternat e naftës në Detin Arabik dhe Portin Fujairah të Emirateve të Bashkuara Arabe.

Gjenerali në pension u shpreh se: “Kur Trump njoftoi se synonte të zvogëlonte eksportet tona të naftës në zero, u zhvilluan disa operacione taktike. Nuk do të them se kush e bëri këtë, por mund të them se pesë cisterna shpërthyen në portin jashtëzakonisht të sigurt të Fujairah. Ata as nuk e dinë se nga erdhi ky grusht shteti.” Rustami kujtoi po ashtu “sulmet ndaj dy cisternave japoneze në Detin Arabik gjatë vizitës së ish - kryeministrit japonez Shinzo Abe në Iran si i dërguar i Trump në vitin 2019”.

Rustami vazhdoi: “Ata as nuk e dinë se çfarë i ka goditur, përndryshe do ta kishin vërtetuar. Ata madje ngritën një padi në OKB. Fillimisht, Emiratet e Bashkuara Arabe na akuzuan por nuk mundën të sigurojnë prova.”

Rustami përfundoi: “Tani për tani disa gjëra duhet të dihen vetëm kaq. Këta janë disa nga shembujt që mund të përmend dhe ne kemi pajisje që janë shumë më superiore se armët bërthamore.”