Forcat sioniste shkatërrojnë xhami, shtëpi, në Palestinë

Forcat sioniste kanë shkatërruar disa struktura, duke përfshirë një xhami, në një fshat palestinez.

    Një korrespondent i Reutersit pa të marten disa qindra ushtarë të dislokuar në Khirbet al- Tuil, në Bregun e pushtuar Perëndimor.

    Ushtarët ruanin gjashtë buldozerë që do të rrënonin ndërtesat që janë ndërtuar pa leje të Izraelit. Palestinezët thonë se dokumentet për ndërtim janë gati e pamundur për t’i marrë.

    Izraeli ka tërhequr  zemërimin e palestinezëve duke vazhduar rrënimet, shkatërrimet, për të zgjeruar  vendbanimet për interesin e vet, në tokën e pushtuar që ata kërkojnë për një shtet.

    Fshatarët thanë se Xhamia e Gurit është ndërtuar në vitin 2008 dhe se ushtarët i kanë hequr shkrimet e shenjta, qylymat, sexhadet për lutje, para se ta shkatërronin me vrull!

     Ndërtesa të tjera të shkatërruara janë tri shtëpi një- katëshe, strehimoret e kafshëve dhe një pus i përbashkët. Banorët vendor thanë se rreth 30 banorë kanë mbetur pa strehë.

      Ushtria izraelite tha në një deklaratë se tetë strukturat, duke përfshirë një xhami në përdorim, u shkatërruan për shkak se ato janë ndërtuar në mënyrë të paligjshme në brendësi të një vije – zjarri, në një zonë të rrezikshme të trajnimit ushtarak.

    Unë shkova për të falur namazin e sabahut në xhami dhe aty gjeta   ushtrinë  që e kishte rrethuar xhaminë,” tha një banor 63 vjeçar me  emrin Abdel Fattah Maarouf. Atëherë ata e shkatërruan xhaminë. Ata duan të rrafshojnë gjithçka, ta bëjnë fushë këtu, në mënyrë që ata mund të ndërtojnë vendbanime e tyre në të.

     Duke folur në radion lokale, Jaser Abed Rabbu, një zyrtar i lartë palestinez, tha se nëse nuk veprohet, nuk është me vend që të kthehen  bisedimet për paqe të sponsorizuara nga SHBA, me këta pushtues racistë, me këta ekspansionistë.”