Demonstruesit në Bejrut dënojnë terrorizmin saudit

Protestuesit libanezë u mblodhën afër Ambasadës Saudite në Bejrut të shtunën për të dënuar atë që ata e quajtën roli negativ i Arabisë Saudite në rajon.

    Duke brohoritur parulla kundër politikave Saudite në rajon, protestuesit akuzuan Rijadin për nxitjen e trazirave dhe të sektarizimit në Siri, Irak dhe Liban, raportoi el - Alam.

     Ne e konsiderojmë Arabinë Saudite eksportuese numër 1 e  terrorizmit në botën arabe, sepse ajo është duke financuar të gjitha organizatat tekfiriste që kanë vrarë njerëzit tanë nga Tripoli në Bejrut deri në Sidon , tha një protestues.

       Demonstruesit thonë se regjimi el-Saud ka përdorur petrodollarët e saj për të financuar grupe të el – Kaides dhe tekfiristët me qëllim të vetëm për të destabilizuar rajonin.

     Demonstruesit, gjithashtu, brohoritën sllogane kundër shefit spiun Saudit, Bandar bin Sultan, duke e quajtur atë një kryekomandant.
    Kohët e fundit, Libani  është dëshmitar i një vale bombash  vdekjepruese nga terroristët e grupit të el – Kaides.

    Në incidentin e fundit nga sulmi fatal, një makinë bombë shpërtheu në qytetin kufitar të Hermelit, të shtunën, ku katër vetë vdiqën dhe mbi një duzinë të tjerë u plagosën nga shpërthimi i bombës.

    Të kërkuar nga SHBA, Arabia Saudite, Libani dhe Irani, terroristi Saudit, Mexhid el-Mexhid, ishte kreu i Brigadës  Abdullah Azzam,  një grup i el – Kaides, i cili mori përgjegjësinë për shpërthimet vetëvrasëse binjake më 19 nëntor 2013 pranë Ambasadës të Iranit në Bejrut. Nga ky sulm u vranë 25 vetë, në mesin e tyre edhe atasheu kulturor i Iranit.

    OKB- dënoi bombardimet vdekjepruese në Hermel, ndërkohë, Këshilli i Sigurimit i OKB-së i bëri thirrje popullit libanez për të ruajtur unitetin kombëtar përkundër përpjekjeve të vazhdueshme për të prishur stabilitetin e vendit, në prag të bombardimeve vdekjeprurëse në qytetin verilindor të Hermel, që ishte kërkuar nga një grup i el – Kaides.

     Sipas The Daily Star, Sekretari i Përgjithshëm i OKB-së Ban Ki -Mun dhe Këshilli i Sigurimit ka dënuar ashpër sulmin të neveritshëm terrorist të shtunën vonë në Hermel, një qytet ku Hizbullahu ka një bazë të fortë përkrahëse.

     Në një deklaratë për shtyp të lëshuar në Nju Jork, Trupi 15 anëtarësh tha se anëtarët e Këshillit të Sigurimit nënvizojnë nevojën për të sjellë autorët e krimit para drejtësisë.

      Anëtarët e Këshillit të Sigurimit riafirmuan, gjithashtu, nevojën për të luftuar terrorizmin në të gjitha format dhe manifestimet e tij në përputhje me Kartën e Kombeve të Bashkuara dhe të gjitha detyrimet sipas ligjit ndërkombëtar.

    Një deklaratë e veçantë e lëshuar nga zëdhënësi  i Ban Ki Munit - i bëri jehonë dënimit nga Këshilli i Sigurimit, si dhe thirrjen e trupit për  autorët e këtij krimi dhe të gjitha aktet e tjera të terrorizmit , që do të sjellën para drejtësisë.

      Përshkallëzimi i fundit i akteve të terrorizmit dhe dhunës në Liban është shqetësues , thoshte deklarata.

     Ai shtoi se Ban Ki Mun përsëriti thirrjen e tij për të gjithë libanezët të bashkohen pas institucioneve të tyre shtetërore, duke përfshirë  ushtrinë dhe forcat e sigurisë, si mjete më të mira për t’u përballur me  veprimet e tilla të papranueshme dhe pa dallim dhe që të ruajnë sigurinë dhe stabilitetin e vendit të tyre.

      Burime të sigurisë thanë të shtunën për Daily Star se sulmi në një pikë karburanti në Hermel ishte vepër e një vetëvrasësi me bombë. Shpërthimi vrau katër vetë, duke përfshirë mbajtësin e bombës  dhe plagosën 23 të tjerë.

     Libani është dëshmitar se një rritje e shpërthimeve ndodh aty ku Hizbullahu gëzon mbështetje të fortë, duke përfshirë Hermelin dhe rrethinat jugore të Bejrutit.

      Grupet e el – Kaidas kanë marrë përgjegjësinë për sulmet.
Bombardimin e ka marrë përsipër Fronti Nusra në Liban, i cili ka bërë  edhe dy sulme të tjera në Liban, duke përmendur ndërhyrjen ushtarake të Hizbullahut në Siri.

     Ministri i Informacionit të Sirisë, Omran el - Zuhbi tha se nga sulmi ka përfituar vetëm Izraeli.

     Sulmi është i ngjashëm me sulme të tjera terroriste kundër Sirisë,  Libanit dhe Irakut, përfitues i të cilit është vetëm Izraeli, i tha Omran el-Zuhbi kanalit televiziv al - Majadin.

     Edhe pse disa grupe terroriste nga i njëjti sfond janë pas shpërthimeve të tilla, Izraeli si armik është përfituesi i parë dhe e fundit i shpërthimeve të tilla, tha ai.