Operacioni i ushtrisë për të shuar dhunën e vazhdueshme në Tripoli

Ushtria libaneze ka vazhduar operacionin e saj për të shtypur dhunën vdekjepruese në qytetin verior të Tripolit.

    Herët në mëgjes, të mërkurën, ushtria hyri në lagjen Bab al - Tabbaneh të qytetit, Tripoli, i cili është duke vuajtur nga përhapja e konfliktit nga Siria fqinje.

    Ushtarët libanezë kryen bastisje dhe hoqën pengesa të ndryshme në këtë zonë.

    Gjithashtu, të mërkurën, Ministri i Drejtësisë në Liban, Ashraf Rifi tha se ai është duke biseduar me dijetarët muslimanë në Tripoli për të siguruar suksesin e operacioneve ushtarake në këtë zonë.
     Ne jemi duke punuar për hir të qytetit dhe ne nuk do të sakrifikojmë atë për individë të ndryshëm, shtoi ai.

      Dhjetëra njerëz janë vrarë gjatë javës së kaluar në përleshjet midis përkrahësve dhe kundërshtarëve të presidentit sirian Bashar al-Assad në Tripoli.

      Banorët tanë dhe fëmijët kanë të drejtë të jetojnë në paqe dhe siguri, theksoi Rifi , duke thënë: Ne duhet të kemi guximin për të përshkruar veten jo si dështues, por duhet të garantojmë sigurinë në  Tripoli.

      Trupat libaneze me personelin, në transportues të blinduar, ishin  vendosur në qytet të martën dhe angazhohen në ngritjen post-bloqeve ushtarake. Ushtria ka kryer bastisje në banesat e dyshimta dhe ka  arrestuar 75 të dyshuar.

     Luftimet ndërmjet mbështetësve dhe kundërshtarëve të kryetarit të Sirisë, Bashar el-Assad, vuri përballë njëri-tjetrit banorët pro - Assad të lagjes Xhebel Muhsen kundër banorëve të Bab al- Tabbaneh që mbështesin militantët që përkrahen nga të huajt, që veprojnë në Siri.