Të krishterët palestinezë kundër ligjit për ndalimin e transmetimit të ezanit

Udhëheqësit e të krishterëve ortodoks në Palestinë kanë kritikuar ashpër miratimin e ligjit për ndalimin e transmetimit të ezanit nga xhamitë në Jerusalemin (Al Kudsi) e pushtuar nga ana e qeverisë së regjimit sionist dhe këtë vendim e kanë quajtur racist.

Siç njoftoi Agjencia e Lajmeve Kuds,  Hana Ataalla, udhëheqësi i krishterëve ortodoks të Palestinës, ka kundërshtuar në mënyrë të vendosur  këtë vendim të regjimit sionist dhe ka theksuar:

"Ndalimi i transmetimit të ezanit në xhamitë e Jerusalemit (Al-Kudsit), ka lënduar ndjenjat e muslimanëve dhe të të krishterëve në Palestinë. Regjimi i Izraelit është i dhunshëm dhe ky ligj është bërë për të nxitur,  provokuar ndjenjat e të gjithë palestinezëve muslimanë dhe të krishterë".

Nga ana tjetër, Ahmed Bahr, zëvendës - kryetari i Kuvendit Ligjvënës të Palestinës, ka theksuar se përkundër dëshirës së armikut sionist, zëri i ezanit do të transmetohet në të gjithë Palestinën.