S. Nasrallah: Mizoritë e tekfirsave janë shtrembërimi më i madh që i është bërë ndonjëherë historisë së Islamit

Sekretari i Përgjithshëm i Hezbollahut Sayyed Hasan Nasrallah ka pohuar se ajo që po bëjnë tekfirsat në ditët e sotme është shtrembërimi më i madh i Islamit në të gjithë historinë, pasi mjetet e komunikimit dhe mediat po i përcjellin imazhet në të gjithë botën.

Në natën e tretë të Muharremit në kompleksin Sayyed Al-Shuhadaa në periferinë jugore të Bejrutit, Sayyed Nasrallah theksoi se sjellja e takfirsave i largon jomuslimanët nga Islami, duke shtuar se ata vrasin, presin dhe i bazojnë mizoritë e tyre në hadithe të shpikura të Pejgamberit.

“Tekfirsat i paraqesin muslimanët si një grup të etur për gjak,” tha Sayyed Nasrallah. “Kjo shenjtëron këtë koncept të falsifikuar në lidhje me Islamin.”

Shkelqësia e tij vuri në dukje se mendimi i tekfirsave është i bazuar nëderdhjen e gjakut, vjedhjen e pronës dhe shkeljen e nderit të të gjithë atyre që janë ndryshe (nga ata).

“Mendimi tekfirist lindi në botën arabe rreth 200 vjet më parë. Ishte i pajisur me anën financiare dhe mbështetje qeveritare, e që më pas themeluan universitete, shkolla, gazeta, dhe shtëpi botuese, në mënyrë që të përhapin konceptet e tyre në të gjithë botën.”

“Islami, kombi dhe shoqëritë islame po kërcënohen nga këto mendime tekfiriste, shkaqet e të cilave duhen të diskutohen, e jo efektet.”

Sayyed Nasrallah bëri thirrje që të mbrohet Islami. Klerikët Suni dhe Shiitë duhet të përcjellin realitetin e Islamit me zë të lartë në mbarë botën.

Lideri i Hezbollahut thotë se ballafaqimi me tekfirsat duhet të jetë në rradhë të parë kulturor, intelektual dhe shkencor.

Sayyed Nasrallah gjithashtu bëri thirrje që të parandalohet përhapja e këtij trendi, duke e konsideruar Arabinë Saudite si përgjegjësen kryesore për këtë, e cila duhet të mbyllë shkollat nga ka dalë kjo ideologji tekfiriste.