Forcat ırakiane arrestojnë 14 terroristë të maskuar me nikab në Falluxha

Forcat irakiane të sigurimit kanë kapur 14 anëtarë të grupit terrorist të ashtuquajtur Shteti Islam i Irakut dhe Shamit (ISILl) në qytetin e Falluxhës.

    Sipas një burimi të sigurisë, arrestimet janë bërë të hënën, ku militantët e ISIL-it ishin të veshur, mbuluar me nikab, një pjesë  e hixhabit që mbulojnë fytyrën gratë.  

     Të arrestuarit ishin militantë të Shtetit Islam të Irakut dhe Shamit (ISIL) të cilët po iknin nga një sulm i forcave irakiane.  Militantët ishin mbuluar me nikab për t’u shmangur arrestimit, që është një dukuri e zakonshme në mesin e terroristëve të ISIL-it, tha burimi i sigurisë.

     Burimi i sigurisë foli në kushte anonimiteti për shkak se ai nuk ishte i autorizuar për të folur me gazetarët.