Ushtria siriane siguron tri qytete më shumë

Ushtria siriane ka bërë më shumë fitore në luftën e saj kundër militantëve të përkrahur nga të huajt në vend dhe këto ditë mori tri  qytete të rajonit strategjik Kalamoun, raporton Press TV.

     Trupat siriane të martën kryen operacione të suksesshme kundër militantëve në qytetin e Assal al- Ward, Housh arabe dhe Xhab'adin.

    Qytetarët në Xhab'adin përshëndetën ushtarët sirianë duke brohoritur parulla në mbështetje të tyre dhe mbanin flamujt kombëtar.

    Militantët rrëmbyen shumë prej banorëve të qytetit, ata vendosën t’i lironin me kushte, vetëm nëse paguanin para si shpërblim!  Ne falënderojmë ushtrinë siriane për rivendosjen e sigurisë, tha një prej banorëve të Xhab'adinit për Press TV.

      Ndërkohë, raportet njoftojnë se militantët të përkrahur nga të huajt u përpoqën të iknin pasi trupat siriane arritën të rimarrin kontrollin e plotë të qyteteve Ma'loula dhe el- Sarkha në rajon Kalamoun të hënën. Megjithatë, ata janë ndjekur dhe mundur nga forcat qeveritare.

     Njësitë e ushtrisë siriane kanë vrarë shumë terroristë dhe shkatërruan bazat e tyre në qytetet e Bakha'a dhe el- Xhibbeh në rajon, të hënën.

      Kryetari i Sirisë, Bashar al - Assad tha të dielën se lufta tekfiriste në Siri është zhvendosur me forcë në favor të forcave qeveritare të cilat  kanë arritur suksese të vazhdueshme në luftën e tyre kundër terroristëve.

    Të dielën, trupat siriane rimorën kontrollin e lartësive lindore  me pamje fushore në Rankous, duke ndërprerë rrugën militantëve për  furnizim, armatim, mes kufirit libanez dhe zones.

      Siria ka qenë skenë e një krize vdekjeprurës që nga muaji mars i  vitit 2011. Raportet thonë se më shumë se 150.000 vetë janë vrarë deri më tani dhe miliona të tjerë janë zhvendosur nga dhuna e përkrahur nga të huajt.