U vranë disa terroristë në qytetin Douma të Sirisë

Operacioni i ditës së martë rezultoi në shkatërrimin e sasive të mëdha të armëve dhe municioneve që u përkiste grupeve terroriste që vepronin në qytet.

     Trupat siriane kanë vrarë terroristët në fermat e rajonit Alija.
Një njësi e ushtrisë ka ndjekur terroristët në zonën Xhobar, duke eliminuar një numër të tyre, duke përfshirë Samir Ataja, ndërsa një tjetër njësi ka kryer një operacion, ku në shënjestër kishte një bazë që i përkiste Frontit Islamik në zonën Adra, ku shkatërruan armët dhe municionet e tyre.

    Burimet ushtarake thonë se ushtria ka patur në shënjestër edhe tubimet e terroristëve në Haleb, el- Atareb, el- Mislmijeh, Handarat, Hiritan, Khan el- Assal, Daret Gaza, Khan Touman, el- Braixh dhe Bahret el- Shurfeh, duke vrarë dhe plagosur një numri të terroristëve.

     Të hënën, një njësi e ushtrisë siriane zuri në pritë militantët në zonën industriale të Adra-s, një fshat në rrethin e kryeqytetit Damask, duke vrarë 20 prej tyre. Militantët i përkisnin një grupi terrorist, që e quan veten Xhaish el - Islam.

     Trupat siriane kryen një operacion kundër militantëve në el- Rashidin, në qytet e madh të Halebit, duke vrarë dhe duke plagosur shumë prej tyre.

    Të dielën, trupat siriane kanë vazhduar operacionet e tyre pranë zonës el – Muleha, një fshat në rrethin e Damaskut, duke shkatërruar një punëtori, në të cilën punoheshin pajisje të improvizuara shpërthyese ( IED) dhe duke vrarë një numër të militantëve.

     Siria është kapluar nga dhuna vdekjeprurëse që nga viti 2011. Mbi 140.000 njerëz thuhet se janë vrarë dhe miliona të tjerë janë  zhvendosur për shkak të dhunës së nxitur nga militantët të përkrahur nga perëndimorët.

     Sipas njoftimeve, fuqitë perëndimore dhe aleatët e tyre rajonal - sidomos Katari, Arabia Saudite dhe Turqia - po mbështesin militantët që veprojnë brenda Sirisë.

Burimi : Al - Alam