Sirianët tubohen në përkrahje të ushtrisë

Në Siri, mijëra njerëz kanë dalë nëpër rrugë për të mbajtur tubime në mbështetje të ushtrisë së vendit në luftën kundër militantëve të përkrahur nga të huajt.

     Të mërkurën, sirianët e zhvendosur në Lartësitë  e Golanit u mblodhën në Jdaidet el -Fadl, një fshat në  rrethin e kryeqytetit,  Damask.

     Sipas Press TV,  përkrahësit e ushtrisë siriane kanë mbajtur tubime të ngjashme në qytetin perëndimor të vendit, në Homs.

      Demonstruesit kanë mbajtur lart flamurin e atdheut dhe  kanë përshëndetur ushtrinë siriane për luftën e saj të vazhdueshme kundër militantëve të përkrahur nga huajt.

     Tubimet vijnë menjëherë pasi ushtria siriane njoftoi se kishte rifituar kontrollin e plotë mbi qytetin e Ras el- ajn, pranë qytetit strategjik të Yabrud-it.

     Gjithashtu, të mërkurën, qeveria siriane dhe Moska u përplasën  me  Uashingtonin për vendimin e tij për të mbyllur ambasadën siriane dhe konsullatat në vend më 18 mars.

      Fuqitë perëndimore dhe aleatët e tyre rajonale - sidomos Katari, Arabia Saudite dhe Turqia - thuhet se mbështesin militantët që veprojnë brenda Sirisë.