Qendra e re e akomodimit në Naxhaf mirëpret vizitorët për Arbain

Një qendër e re akomodimi për vizitorët u përurua në qytetin e shenjtë të Naxhafit, në Irak, përpara vizitës vjetore që shënon Arbainin.

Një numër i zyrtarëve irakianë dhe iranianë morën pjesë në ceremoninë e përurimit të qendrës, e cila mund të strehojë deri në 25.000 vizitorë, sipas faqës së internetit të Astan-it  (Kujdestaria) e Xhamisë së Shenjtë të Imam Aliut (a.s.).

Ajo është ndërtuar në një periudhë të shkurtër kohe dhe është financuar me ndihmën e njerëzve dashamirës në Astan Kuds Razavi dhe bashkinë e qytetit të shenjtë të Mashhadit të Iranit,  tha Sejjid Nazar Habl-ul-Matin, kujdestari i Xhamisë së Shenjtë të Imam Aliut (a.s.) 

Qendra është e pajisur me të gjitha lehtësirat e nevojshme për t’i shërbyer vizitorëve.

Inaugurimi është bërë në kohën e duhur kur miliona vizitorë kanë planifikuar për të për të vizituar  vendet e shenjta në Irak, duke përfshirë edhe qytetet e shenjta, Qerbelanë  dhe Naxhafin në Arbain.

Arbaini shënon 40 ditë pas martirizimit të Imam Husejnit (a.s.), nipi i Pejgamberit, Muhammedit  (a.s.) dhe Imami i tretë në Islamin Shiitë.

Çdo vit, një turmë e madhe e muslimanëve shiitë  marshojnë drejt Qerbelasë, ku në Xhaminë e Shenjtë të Imam Husejnit  (a.s.) kryhen ritet zisë në Arbain. Shumë prej tyre vizitojnë edhe Xhaminë e Shenjtë të Imam Aliut (a.s.) në Naxhaf, Irak.

Këtë vit, Arbaini bie të dielën, 20 nëntor 2017.