OKB: Tekfiristët kanë krye vrasje masive në Siri

Militantët e El-Kaides dhe Shtetit Islamik të Irakut dhe Shamit (ISIL) kanë krye ekzekutime masive në Siri në janar, thonë Kombet e Bashkuara.

     Sipas një raporti të Komisionit të Hetimeve të OKB-së në Siri, të martën, tekfiristët kryen ekzekutime masive të të burgosurve dhe në këtë mënyrë kanë krye krime të luftës.

     Komisioni tha se i kishte të dokumentuar disa raste ekzekutimi në masë në Idlib, Haleb dhe në provincën Raka, duke përfshirë një spital për fëmijë në Haleb, i cili është përdorur nga militantët si qendër e tyre.

     Numri i të vrarëve si dhe akuzat për varrezat masive të lidhura me këto ekzekutime mbeten nën hetime tha ajo, duke shtuar, Shumë vrasje ndodhën me nguti dhe nga një distancë.

     Sergio Paulo Pinheiro, kreu i komisionit, i tha Këshillit të OKB-së për të Drejtat e Njeriut se militantët po imponojnë ideologjinë e tyre radikale mbi popullsinë civile, në krahinat veriore dhe verilindore.

     Civilët në zonat e rrethuara janë pa ushqime, ushqehen me kërma ... Njerëzit, duke përfshirë edhe fëmijët e vegjël po vdesin nga uria, shtoi Pinheiro.

      Siria është kapluar nga dhuna vdekjepruese që nga viti 2011.
Mbi 130.000 njerëz janë vrarë dhe miliona të tjerë janë zhvendosur për shkak të dhunës së nxitur nga militantët të përkrahur nga perëndimorët.

    Fuqitë perëndimore dhe aleatët e tyre rajonal, sidomos Katari, Arabia Saudite dhe Turqia - thuhet se përkrahin militantët që veprojnë brenda Sirisë.