Egjipti ka shkatërruar 1. 370 tunele në Gaza, njofton ushtria e Egjiptit

Ushtria e Egjiptit tha të mërkurën se kishte shkatërruar 1. 370 tunele në kufirin me Rripin e Gazës, ndërsa lidhjet e Kajros me lëvizjen Hamas mbeten të tharta. Lëvizja Hamas e ka pushtetin në enklavën palestineze, njoftoi AFP.

     Lidhjet morën një kthesë për keq pasi ushtria e Egjiptit në muajin korrik 2013 e rrëzoi kryetarin islamik Muhammed Mursi, i cili i takon Vëllazërisë Myslimane, me të cilën Hamasi është i lidhur.

    Deklarata nuk tha se kur tunelet janë shkatërruar, por ushtria ka derdhur trupa ngjitur me Gadishullin  e Sinait për të luftuar militantizmin që është rritur që nga korriku.

    Tunelet, në qytetin e Rafah, janë përdorur për të transferuar  ushqime, karburante dhe të produkte të konsumit në enklavën shumë të populluar palestineze.

     Gaza ka qenë nën bllokadë që prej vitit 2006, pasi militantët kapën një ushtar izraelit në një sulm ndërkufitar.

     Hamasi i ka mohuar akuzat egjiptiane se është i përfshirë në luftën në Gadishullin e trazuar të Sinai-t.

     Më 4 mars 2014, një gjykatë egjiptiane ka ndaluar Hamasin të operojë në Egjipt dhe urdhëroi konfiskimin e aseteve të tij atje.

    Vëllazëria Muslimane, gjithashtu, është përcaktuar si një organizatë terroriste nga autoritetet ushtarake – të instaluara në Egjipt.