Pakistanezët protestojnë kundër terrorizmit

Press TV raporton se aktivistët në qytetin Lahore kanë mbajtur një protestë kundër rritjes së terrorizmit, ndërsa qeveria pakistaneze rifillon bisedimet e paqes me militantët pro - talebanë.

     Të enjten, anëtarët e shoqërisë civile të Pakistanit kanë mbajtur një tubim para asamblesë provinciale të Panxhabit, duke i bërë thirrje qeverisë të t’i ndërpres bisedimet e paqes me militantët.

     Ata thanë se çdo marrëveshje me militantët e rrezikon jetën e njerëzve të Pakistanit.

     Demonstruesit e zemëruar, gjithashtu, kërkuan që qeveria të ndalojë aktivitetet e militantëve talebanë në pjesë të ndryshme të Pakistanit.

     Gjithashtu, të enjten , kryeministri i Pakistanit Navaz Sharif ka zhvilluar një takim me përfaqësuesit e komisioneve qeveritare për paqe dhe militantëve pro - talebanë në shtëpinë e tij.

     Qeveria pakistaneze ka rifilluar bisedimet e ngecura të paqes me militantët pro - talebanë për të gjetur një mënyrë për t'i dhënë fund militantizmin në vend.

      Javën e kaluar, militantët njoftuan për një armëpushim një-mujor që ka për për qëllim rinisjen e bisedimeve me qeverinë. Në përgjigje të armëpushimit të shpallur në mënyrë të njëanshme, Islamabadi ka  ndalur sulmet ajrore kundër pozicioneve të militantëve në rajonin e trazuar fisnor, veriperëndimor të Pakistanit.