Dhjetëra militantë u dorëzuan pranë ushtrisë siriane në Homs

Rreth 200 militantë u dorëzuan pranë ushtrisë siriane në rrethin e Homsit, në pjesën qendrore të Sirisë.

    Sipas agjencisë së lajmeve Fars News, më shumë se 200 militantë i dorëzuan armët e tyre në fshatin Hassija, në rrethin e qytetit Homs dhe u dorëzuan pranë ushtrisë pasi ushtria siriane bëri përparime të mëdha në rajon.

     Ndërkohë, njësitë e ushtrisë  siriane shkatërruan një përpjekje nga ana e militantëve të cilët përpiqeshin të depërtonin në një fshat të  Homs-it në Al - Houleh.

     Ushtria siriane mori qytetin Al - Talal dhe rezervoarët e gazit në qytetin Al - Zareh pas përleshjeve të ashpra me militantët.

     Sipas një burimi ushtarak, të dielën, njësitë e forcave të armatosura siriane kanë vrarë dhe plagosur të gjithë anëtarët e disa grupeve militante në fshatrat el- Khaldijeh , el- Ghaxhar, Burxh Ka'e dhe Kissin një fshatrat në rrethin e Homs-it.

    Burimi ushtarak shtoi se një grup terrorist, që i përkiste grupit  të Frontit al – Nusra, është shkatërruar në lindje të qytetit al - Rastan.

     Njësitë e ushtrisë siriane vranë militantë, në mesin e tyre një snajperist, në lagjen  Xhouret al - Shaijjah dhe shkatërruar një tunel i cili shtrihet nga Bab al- Sibaa drejt lagjeve të vjetra të qytetit të vjetër të Homs-it.