Bahrejnasit kërkojnë tërheqjen e trupave saudite

Forcat e regjimit të Manama-s kanë sulmuar protestuesit të cilët kërkuan tërheqjen e forcave saudite nga Bahrejni.

    Videoja amatore tregon forcat e sigurisë duke sulmuar me gaz lotsjellës për të shpërndarë demonstruesit e rinj në fshatin lindor të Ma'amir-it.

   Sipas Press TV, demonstrata të ngjashme u mbajtën në fshatrat Sitra,  Hamala dhe Nuvaidrat.

   Në fshatin Hamala protestuesit u përleshën me forcat e regjimit, pasi kishin bllokuar një rrugë me goma djegura.

     Ata brohoritën sllogane kundër pushtetit të familjes el- Khalifa dhe hodhën koktej molotov përball policisë.

     Bahrejni ka qenë skenë e protestave që nga viti 2011, gjatë të cilit dhjetëra njerëz janë vrarë dhe qindra të tjerë janë arrestuar.

    Më 14 mars 2011, trupat nga Arabia Saudite dhe Emiratet e Bashkuara Arabe janë ftuar për të ndihmuar regjimin e Bahrejnit për të shtypur protestuesit paqësorë.

     Organizata Amnesty International ka kritikuar regjimin e Manama-s për  “represionin e pamëshirshëm” ndaj protestuesve kundër -  regjimit, duke i fajësuar forcat e sigurisë të Bahrejnit për përdorimin e forcës së tyre të përsëritur të “tepruar për t’i shuar protestat kundër qeverisë”.